Xefí Kaza Sivil Kuda Ai-Oan 70 iha Ainaro
Naunil Media (Ainaro), Prezidensiá Repúblika liu husi Xefí Kaza Sivil Francisco Maria de Vasconcelos ho ekipa kuda ai-oan hamutuk hun 70 iha futuru Jardim Dos herois Ainaro .
Xefí kaza sivil ható lia hirak ne’e ba jornalista sira hafoin remata kuda ai-oan iha munisípiu Ainaro, postu administrativu Ainaro, suku Ainaro, aldeia Builiku, Tersa (17/08).
“Iha fatin ida ne’e oihn ita rona esplikasaun katak ida ne’e futuru Jardim herois iha ne’e, para atu muda ida leten atu tun mai iha ne’e, agora kompletamente ne’e orsida Ministru ba asuntu veteranu mak sei trata ida ne’e”, Dehan Xefí Kaza Sivil Francisco Maria de Vasconcelos
Nia hateten, Ho ekipa Prezidensiá Repúblika mai iha ne’e vizita, atu haree para bainhira PR mai halo dialogu ho autoridade lokál sira iha ne’e, iha ona informasaun ne’ebé di’ak pelumenus fó ba PR atu mai ko’alia ho komunidade sira.
Nia hatutan, Kuidadu ai-oan hanesan kuidadu ema ida nia aan, ekonómia no ambiente ba jerasaun juventude aban bainrua nian.
“primeiru kuidadu ai-oan ne’e ita kuidadu ita nia moris kuidadu ita nia ekonomia kuidadu ita nia ambiente se ita hakarak aban bain rua ita nia Juventude sira agradese ba ita”, katak nia.
Nia dehan, kuda ohin sira aban bainrua sira hetan fuan han sira hanoin katak aman no avo sira, uluk lori hela esperansa ida ba sira mós husik hela kontinua futuru di’ak ba jerasaun sira aban bain rua.
Iha fatin hanesan Diretóra agrikultura munisípiu Ainaro Natalia de Orleans Amaral, Reforsa geografiamente kuda ai-oan iha fatin ne’e tanba sempre risku ba dezastre naturais.
“Kuda hela ai-oan agrofloresta iha ne’e tanba ita haree husi ita nia geografiamente iha ita nia munisípiu Ainaro, iha fatin ida ne’e mak sempre akontese risku dezastre naturais liuliu hahu husi ema temi dehan Jakarta-2”, Katak nia
Nia hatutan iha aldeia ida Builiku suku Ainaro ida ne’e mak planu husi ministeriu agrikultura no peskas hamutuk ho Nai ulun veteranus sira atu harii Jardim de Botaniku.
“Entaun agora planu maske ita nia fatin ne’e mak oras ne’e moru haleu hela ita seidauk implementa no estabelese, tanba agora dadauk ita nia uzuario ne’ebé mak prepara iha leten aban bainrua planu katak nia sei mai tau iha ne’e”, Nia tenik
Nia dehan, Ho razaun hanesan tanba sentru ida ne’e mak ema temi dehan Jakarta-2 Timor oan barak herois da pátria sira terus iha rai ida ne’e hatene nia istórikamente.
Tuir planu agrikultura ba oin ne’e mak kuda ai-oan espesifika sira identifika no ai ne’ebé kuda iha ne’e mak ai durian, rambutan ho mós klenken maibé ai ne’ebé mak sira prepara iha biberus iha atus haat (400) agora dadauk simbolikamente prepara dadauk rai kuak iha ne’ebé iha hamutuk 70, Nia hakotu. *Jos
