FONGTIL Aprezenta Relatoriu Monitórizasaun Ba Programa Vasinasaun
Naunil Media (Díli), Diretór Ezekutivu Forum ONG Timor-Leste (FONGTIL) Daniel Santos Carmo Aprezenta relatoriu monitórizasaun ba programa vazinasaun husi loron 6-9 Fulan setembru tinan 2021.
“Husi monitórizasaun hamutuk membru 12 mak halo monitorim iha munisípiu 10, no iha sentru saúde 14 ho ninia detallu NGO 22 mak halo monitórizasaun ba programa vazinasaun, i análiza jerál husi periode loron 6-9 fulan Setembru tinan ne’e, detekta katak iha sentru saúde wailili Baucau mak valor Kiik liu kompara ho Fatin monitórizasaun 23 Sira seluk”, Dehan Diretór Ezekutivu FONGTIL Daniel santos Carmo ba jornalista iha salaun Fongtil Caicoli, segunda (13/09).
Diretór haktuir, husi dadus ne’ebé ita iha hatudu katak husi periode loron 6-9 fulan Setembru iha partisipasaun as tebes, husi Fatin monitórizasaun 24 mak ekipa halo monitórim deskobre membru komunidade hamutuk 4.546 Mak partisipa vasina.
“Rezultadu monitorim ba fatin vasina munisípiu 10 hatudu taxa partisipasaun bo’ot liu iha munisípiu Viqueque priense 52% tuir fali mak hanesan Díli, Liquiçá, Lautem, Covalima, Aileu, enkuantu iha munisípiu Sira seluk semana ne’e taxa partisipasaun Kiik liu kompara ho semana kotuk, Dehan Diterór FONGTIL
Diterór hateten, númeru komunidade ba simu vasina doze daruak barak liu iha munisípiu Aileu, Dili, Liquiçá, Covalima, Lautem, kompara ho Sira ne’ebé ba simu vasina dahuluk. Maibe iha munisipiu Viqueque doze primeiru iha semana loron 6-9 ne’e Nia Sa’e maka’as.
“Iha doze primeiru ne’e kuaze iha munisípiu hotu ema la to’o atus rua, munisípiu tomak iha sentru 24 ne’ebé ita monitóriza, hanesan iha munisípiu ermera simu vasina doze primeiru ne’e iha nain lima de’it Bobonaro nain 8, Baucau nain 9, no iha munisípiu sira sira seluk populasaun ne’ebé mak simu vasina doze primeiru nia numeru bo’ot”, Teknik nia
Diretor akresenta, Husi semana ida ne’e Ita nota katak taxa partisipasaun ba simu doze primeiru as liu mak husi Viqueque, Lautem, no Díli no Sira seluk menus entaun sujere ba governu atu halo kolaborasaun ho igreja, oinsa husu apoiu husi parte igreja nian liuliu atu konsiensializa ita nia komunidade bele partisipa iha programa vasina.
Tuir dadus ne’ebé ita iha durante loron tolu iha sentru saúde 24 ne’ebé ita monitórim kuaze ema la tó 5.000 mak ba simu vasina hosi doze primeiru no segundu, signifika doze segundu ituan liu, Nia hakotu. LTS
