CNE ho CAC, Servisu Hamutuk Kombate Korrupsaun Husi PARPOL iha-TL
Naunil Media (Díli), Comição Nascional Eleições (CNE), servisu hamutuk ho Comição Anti-Corupção (CAC), hodi realiza seminariu nasionál ho tema Papél Partidu Polítiku atu prevene no kombate Korrupsaun iha Timor-Leste.
Tuir Presidente CNE Jose C. Belo Pereira, InformaSeminariu ne’e servisu hamutuk ho CAC liu liu kombate korrupasaun no papél partidu no kandidatus nian importante rai ida ne’e hakarak ba oin sai hanesan esforsu komun.
“Ohin ita halo seminariu ne’e atu bele fó hanoin ba kandidatus sira tenke prense formulariu, no oinsa halo relatoriu atu nune’e bele ajuda sira aban bainrua labele mosu problema”,dehan Presidente CNE Jose C. Belo ba jornalista iha Salaun CNE Larigutu Colmera,Tersa (15/02).
Nia hatutan, Tanba kampaña besik ona utilizasaun osan no bele mós iha potensial, ba desvius no apoiu husi estadu no governu sei tenke uza ho di’ak.
Prezidente CNE haktuir, Kona-bá kalendariu kampaña hahú husi loron 2 to’o 16 fuln Marsu entaun CNE prepara hela iha posibildade antes loron 2 konvida ona kandidatus sira bele hatama sira nia kalendariu atu kalendariu ne’e CNE halo eletroniku atu la bele soke malu.
Iha fatin hanesan Komisariu CAC Sergio Hornai katak, atu asegura no hariku liu tan atividade sira ne’ebé mak atu halo periodu kampaña eleitoral nian, liu-liu atu hare’e no garante prosesu demokratiku lao tuir nia regra.
“Saida mak ita dezeña ona iha ita nia lei eleitoral liu liu ba eleisaun prezidensiál, ho kalendariu ne’ebé estabelese ona bele tuir dalan ne’ebé iha, no atu hametin ita nia hanoin oinsa partidus polítiku sira no nia reprezentante kandidatu, bele buka esforsu atu prevene no kombate kriminalidade Korrupsaun karik sira hetan oportunidade”, dehan Komisariu CAC.
Komisariu hateten, Kandidatu sira seidauk bele hetan oportunidade iha tinan 2022 nian, maibé sira iha ona visaun bo’ot oinsa atu bele hametin estadu direitu ida ne’e liu-liu kombate kriminalidade korrupsaun, ba iha setór justisa.
Tanba atu garante asegura direitu fundamental sidadaun sira ninian liu-liu asesu ba iha justisa, katak sidadaun hotu bele halo tratamentu igual ba ema atu bele partisipa iha prosesu ne’e karik iha problema ruma, dehan nia.
Husu nafatin ba iha reprezentante kandidatura sira atu kandidatura sira bele disiplina nafatin, hodi kaer ba iha ita nia lei eleisaun prezidensiál nian no mós regulamentus ne’ebé regula ba aktus eleitorais sira, hahú husi prosesu prezidente dekreta markasaun loron eleisaun, to’o iha kampaña eleitoral no votasaun, ita nafatin garante aktus eleitoral, hakotu nia. LTS
