Funsionáriu Liña Frente Ho Ema Vulnerável Tenke Vasina Doze Da-Toluk
Naunil Media (Díli), Ministra Saúde (MS),Odete Maria Freitas Belo, Husu funsionáriu liña frente sira inklui ema ne’ebé vulnerável iha Timor-Leste sei simu vasina doze da-toluk.
“Terseiru doze ida ne’e ita la fó ba ema hotu, ita sira rona husi ekipa independente Ministériu Saúde nia no Organizasaun Mundiál (OMS), Saúde nafatin ita fó atensaun ba liña frente sira inklui ema ne’ebé vulnerável teb-tebes, atu bele hetan terseira doze ida ne’e”, Dehan Ministra Odete Maria Freitas Belo, iha sala plenaria Parlamentu Nasionál, tersa (28/09).
Nia relata, Maibé depende ba kondisaun nasaun nian atu prontu simu vasina,tanba inklui mós kona-bá orsamentu ne’ebé atu sosa vasina iha estranjeiru.
“Ita nia kondisaun ho disponibilidade orsamentu, se iha orsamentu ne’ebé mak sufisiénte atu bele sosa vasina vuster ida ne’e hotu-hotu bele iha direitu atu vasina doze da-toluk nian”, Nia esplika.
Nia akresenta, Maibé iha sidadaun sira hotu tenke foku simu uluk vasina primeiru no segundu uluk, hafoin ko’alia kona-bá simu vasina doze da-tluk nian. Tanba ne’e daudaun ne’e vasina barak mak sei expired iha fulan-Outubru nia laran.
Ministra saúde realsa, Tanba primeiru ho segundu doze de’it iha nia partisipasaun sei menus tebe-tebes entaun tenke asegura uluk priemeiru no segundu.
“Oras daudaun ne’e Ministéiriu Saúde sei hein hela informasaun husi Parseiru Internasionál sira, bainhira iha ona informasaun relasiona ho vasina da-toluk nian sei fó sai ba públiku”, Tenik nia. Ana
