Estagiadu UNTL, Santidade Orgulhu Tuir Formasaun Midia Dijital Ho Literasia
Naunil Media (Lautem), Estudante Estagiadu husi Universidade Nasional Timor Lorosa’e, (UNTL), Fakuldade Siensia Sosiais (FCS), no Departamentu Komunikasaun Sosial (CS), Santidade Ribeiro, sente kontente tebes tanba liu husi programa ne’e bele hasa’e nia konesimentu kona-ba media Dijital ho literasia.
” Hau sente kontente tebes tanba dadaun ne’e hau hala’o hela estagiu sosial, iha Suku Fuat Postu Administrativu Iliomar, Munisipiu Lautem, maibe iha oportunidade tuir formasaun Media Dijital ho literasia ne’ebe Sekretariu Estadu Komunikasaun Sosial (Sekoms), rasik realiza iha suku ida ne’e,” Hateten Santidade Ribeiro, ba Naunil Media, partisipa iha formasaun ne’ebe, hala’o iha Suku Fuat, tersa, (26/10).
Santidade senti kontente, tanba liu hosi programa Edukasaun sivika SEKOMS nian, bele hasae liu tan nia koinesimentu ba utilizasaun media literasia no media digital nian.
” Hau sente kontente tebes tanbà ohin loron hau mai halao hau nia Estajiu iha ne’e, hau bele aprende tan kona-ba media literasia no media digital husi SEKOMS nia programa rasik bele eleva tan hau nia koinesimentu ba materia sira,” Dehan Santidade.
Estudante UNTL ne’e husu ba Sekoms, atu melhora programa ne’e ba hakbesik liu juventude sira hotu iha area rurais. Ivo
