Taur: Relata Aktividade Perfurasaun Mina Iha Suai Ba PR
Naunil Média (Dili), Primeiru Ministru (PM), Taur Matan Ruak Relata Aktividade Perfurasaun Mina ne’ebé horseik lansa tiha ona iha Suai ba Prezidente Republika Francisco Guteres Lú-Olo.
PM Taur Matan Rauak, hala’o enkontru semenál ho Prezidente Repúblika, hodi koalia kona-ba aktividade perfurasaun mina iha Suai.
Durante serimónia Perfurasaun ne’e mós Xefe Estadu Akompaña no mós husu ba guvernu kontinua servisu hamutuk ho empreza tanba aktividade petroliferu ne’e mós involve risku Ambiental. Dehan Xefe Guvernu, Taur Matan Ruak, ba Jornalista sira hafoin remata enkontru ho Prezidente Repúblika (PR) Francisco Guterres “Lú-Olo” iha palásiu Prezidente Nicolau Lobato Bairru Pite, Kinta, (28/10).
Iha enkontru ne’e Prezidente Repúblika mós husu ba guvernu kontinua tau matan aktividade Perfurasaun refere.
“Ami rezistu preokupasaun no iha ha’u nia diskursu iha Suai, mós ha’u alerta ba ida ne’e, entaun instituisaun hotu ne’ebé involve liu liu estadu nian ne’ebé involve iha aktividade ida ne’e enpartikular ANPM ho Timor Gap no mós ministeriu petrolium hotu-hotu atensaun lo’os ba ida ne’e”, katak nia
Iha enkontru ne’e Primeiru Ministru mós informa ba Prezidente Repúblika kona-ba aktividade vasinasaun no mós governu nia preparativus ba 28 Novembru ne’ebé sei realiza iha Munisípiu Baucau.*Jos
