Covid-19, Lu’Olo Simu Karta Kredensial Husi Nasaun 20, Liu Husi Virtual
Naunil Média (Dili), Tanba covid-19 Prezidente da Republica Francisco Guteres Lú-Olo simu karta kredensial husi nasaun 20, ne’ebe liu husi virtual.
“Ohin momentu ne’ebé historiku tebes ba Timor-Leste, tanba simu karta kredensial husi nasaun 20, ne’ebé maioria husi Embaixada Singapura, Indonesia no Austrália, simu liu husi virtual tanba pandemia covid-19 ne’ebe invade mundu inklui TL,” Dehan Vise Ministra Negósiu Estranjeiru no Kooperasaun, Julião da Silva ba Jornalista sira iha palásiu Prezidente Nicolao Lobato Bairru Pite, Kinta, (11/11).
Nia hatutan, bainhira movimentu transporte aero iha nasaun hotu iha mundu kuandu loke fali ona embaixador hirak ne’e sei mai entrega ka aprezenta sira nia karta kredensial Formalmente ba Prezidente Repúblika.
Enkuantu Prezidente Repúblika mós hato’o agradese no fo benvinda ba embaixadór embaixadora sira ne’ebé aprezenta sira nia karta kredensial, hein katak depois pandemia ida ne’e bele iha reniuan bilaterais ho Prezidente Repúblika no mós ho Governu.
Nasaun sira ne’ebé entrega sira nia karta kredensial mak hanesan Embaixador husi Estadu de Israel, Republika Popular do Banglandesh, Reino da Dinamarca, Republika do Azerbaijão, Ordem de Malta, Republika demokratika Popular da Argelia, Republika Federal da Alemanha, De Remenia, Republika Argentina, Republika da Guine Bissau, Reino do Camboza, Republika Checo, Republika Italiana, Estado do Qatar, Republika Demokrátika Populár do Laos, Republika Colombia, Republika De Chipre, Republika de Mocambique, Republika Islamico do Paquistão.*Jos
