Pagamentu Subsidu Ba Estudante, MESSK Selebra Akordu Ho Universidade Publiku Ho Privadu
Naunil Media (Dili), tersa ohin (16/11), Governu liu husi Ministeriu Ensinu Superior Siensia no Kultura (MESSK), selebra akordu ho reitor sira husi universidade pribadu no publiku ba pagamentu subsidu ba estudante univaersitariu sira.
Serimonia ne’e asina akordu pagamentu ba estudante universitariu sira ba segundu semestral nian, hamutuk ho maknifiku reitor sira husi Ensinu Superior publiku ho privadu. Dehan Ministru MSSK, Longuinhos dos Santos, iha serimonia akordu, ba jornalista sira, iha salaun komferensia MESSK, tersa, (16/11)
Nia haktuir, Iha serimonia ne’e atu priense rekezitus sira hodi enkamina dokumentus proposta ne’ebe mai husi ensinu superior publiku ho privadu.
” Tanba ne’e ohin ita selebra akordu asinatura ida ne’e, atu bele priense rekezitus sira para atu lei enkamina dokumentus proposta ne’ebe mai hosi ensinu superior publiku no privada para enkamina ba Ministeriu Finansas, atu nune’e MF komesa ona transferensia paganentu ba instituisaun hotu-hotu nia bankaria”. Tenik Governante ne’e.
Nia esplika, Provizoriamente ohin ekipa MESSK verifikasaun no simu relatoriu propinas husi semester primeiru nian hamutuk 16, husi universidade privadu no publiku.
” Hela instituisaun rua hanesan, Universidade Nasional Timor-Lorosa’e (UNTL) ho Institute off Bisnues (IOB), mak iha faze hadi’a hela, no sira submete mai duni maibe ita divolve fila fali tanba iha kestaun tekniku balu presija atu bele halo kompleta,” Haktuir nia.
Nia hateten, Tanba ne’e iha relatoriu universidade sira tantu publiku no privadu sira entrega ona hamutuk 16 hela rua mak seidauk kompleta no Sei hadia hela.
Nia relata, sei labele hein tan prosesu ida ne’e, tanba hare ba prosesu sistema finansiamentu husi MF, hatene katak fim de ano fulan dezembru lei sistema taka.
” Entaun ita hare’e ba kestaun sira ne’e mak universidade ne’ebe mak intrega ona sira nia proposta mai MESSK ekipa verifikasaun verifika hotu ona hamutuk 16 no ita hein para asina hotu depois ita enkamina ba iha MF,” dehan Longuinho.
Orsamentu ne’ebe mak agora daudaun provizoriumente ba intituisaun 16, benefisiariu hamutuk 34.307, ho orsamentu 4 Miloens.
Husi orsamentu intituisaun rua, hanesan IOB ho UNTL la hola parte.
“Agora ita sei analiza hela portantu relatoriu ne’e tama hotu hamutuk instituisaun 18 kuandu enkamina hotu proposta ne’e depois ekipa verifikasaun verifika hotu depois de ida ne’e sei analiza katak osaan hira mak bele halo pagametu ba estudante no hira mak bele divolvimentu”. Nia esplika
Aleinde ne’e iha inisiu dadus ne’ebe mak haruka mai husi instituisaun ensinu superior ho privadu sira ho total 64.589 benefisiarius estudantes ba semester primeiru nian.
” Ne’e orsamentu aloka ba iha instituisaun refere, maibe depois de ida ne’e parese estudante barak mak la halo pagamentu tanba estudante balu mak la ativu ona no balu drop out ona”. Nia salienta. LTS
