Presiza Informasaun Kompleta Husi MF Ho Timor GAP, Kona-ba Investimentu FP
Naunil Média (Díli), Peskizadór organizasaun naun Governamentál (ONG), La’o Hamutuk (LH), Elizaria Febe Gomes, informa, Exemplu forte presija imformasaun kompleta husi Ministeriu Finanças (MF) ho Timor GAP kona-ba revalorizasaun ba investimentu Fundu Petroliferu iha Greater Sunrise husi tokon $700 ba zero.
“ Preojesaun ba futuru presiza halo ho seriu, kona-ba despeza rekorente ho fundu infraestrutura no resieta petróleu,” Dehan Peskizadór LH, Elizaria Febe Gomes, ba jornalista sira, iha salaun enkontru LH Bebora, Kinta,(18/11).
LH nota katak iha livru 4 despeza rekorente kontinua sa’e ba %4 anuál iha kada liña.
“ Despeza fila muda husi 2022 ba 2026, laiha informasaun kona-ba reseita petrolifero hafoin 2023, LH hare’e numerú sira ne’e la ho baze planeamentu ida seriú,” Esplika nia.
Husu ba Parlamentu Nasionál (PN), diskute klean ho Governu hodi hatene klaru kada programa ho projetu sira ho kustu tomak no nia projesaun sira.
Nia haklean, Iha tinan oin OJE fó projesaun despeza la sustentavel tinan tuir mai.
“ Governu halo planu despeza la tuir situasaun finanseiru Timor-Leste nian, preve projesaun bo’ot liu iha momentu ne’ebé produsaun mina no gas atu remata,” Tenik nia.
FP ameas atu hotu maibe kapasidade doméstiku seidauk forte atu sustenta nesesidade povu nian.
Nune’e LH sujere ba PN diskute klean ho governu atu konsidera situasaun finanseiru no ekonomiku antes deside diresaun dezemvolvimentu ba futuru.
TL nia rezerva mina no gas kuaze konverte ona ba osan nune’e agora investe hela iha merkadu finanseiru internasionál ne’ebé nia flutasaun labele kontorla husi FP ne’eb’e iha.
To’o agora LH seidauk hare’e prosesu avaliasaun ba projetu tasi mane ne’ebe governu ho komponente sira, kontinua aloka osan hanesan tokon $ 1.5 iha tinan 2022 no toko $747, ba tinan ha’at (4) tuir mai, inklui alokasaun atu dealoka komunidade sira husi ne’ebé karik nunka hetan projetu foun.
Ikus liu nia hateten, Presiza informasaun kompletu kona-ba impaktu emprestisimu, to’o governu TL halo ona emprestisimu total liu tokon $ 500 husi ida ne’e presiza iha liu tan informasun kona-ba planu klaru ba dezimbolsu ho planu diskusaun ba emprestisimu foun, no proposta OJE tinan 2022 introdus barreira emprestisimu foun mak tokon $410. LTS
