Veteranus “Maukuru” Moras Mental, Estadu Seidauk Rekoñese Nia Direitu

Naunil Media (Maubara), Mateus dos Santos ho kodigu “Maukuru” nudar veteranus ida ho kondisaun  moras mental, estadu seidauk rekoñese nia direitu ba pensaun.

“Tó ohin loron ha’u nia naran seidauk rejistu, uluk kaer kilat hodi luta hasoru inimigu sira iha ailaran,  ha’u kaer kilat setres, nudar komadante seksaun ida, agora ha’u moras mental durante tinan barak nia laran, estadu presiza tau matan mai ha’u”, Dehan Mateus dos ba Naunil Media iha suku Vatuboro, postu administrativu Maubara, Munisípiu Liquicá, kinta (09/12).

Nia hatuta, ha’u nia uma la iha ha’u toba de’it ba fatin ne’ebé mak iha, hodi bele fó mahon mai ha’u, nia konta tuir ho matan wen nakonu.

“Husu ba nai ulun sira taumatan mai ha’u, ha’u presiza osan hodi bele sustenta ha’u nia moris”, Katak nia.

Nia dehan, ha’u nia familia sira la haree ha’u, ha’u mesak hela de’it iha fatin saúde nian.

Observasaun ne’ebé Naunil Media iha terenu nota katak, Mateus ho kondisaun moras mental, no matan sorin aat,  la iha hela fatin ba nia, dadaun ne’e nia hela de’it iha kuartu ida iha sentru saúde suku Vatuboru.

Mateus moris iha suku Vatuboro, iha loron 4 fulan Setembru iha tinan 1946.

Mateus moris mesak la iha fen no oan, loron-loron lao tun sae de’it iha área suku Vatuboro.

Mateus kompleta ona nia tinan 75, nia simu de’it osan terseira idade. Lop