Naunil Media (Liquiçá),  Ministru Assuntu Parlamentár no Komunikasaun Sosiál (MAPKOMS) Francisco Martins da Costa Pereira Jerónimo, hateten seidauk simu Promulgasaun Dekretu ba jornalista liña frente husi Prezidente Repúblika.

Membru guvernu ható lia hirak ne’e ba jornalista sira hafoin akompaña Prezidente Repúblika (PR) Francisco Guterres “Lú Olo” hala’o aberta ho povu Liquiçá, iha salaun Tokodede, Dato sexta (17/12).

“Ha’u seidauk simu Promulgasaun husi Prezidente Repúblika, se Prezidentepromulga ona ami halo prosesu, se lei ne’e mai ona ha’u, lalika husu dehan bainhira”, Katak MAPKOMS.

Ministru hateten durante ne’e MAPKOMS seidauk  hatene Prezidente Promulga, maibé foin rona informasaun husi jornalista sira.

“Se promulga ona segunda ha’u ba buka para hatama halo Prosesu”,  Dehan Ministru.

Nia hatutan,  Se estadu Promulga ona ne’e agora tenke haruka ba MAPKOMS haree, halo prosesu bainhira sira hetan ona Lei ne’e no halo prosesu ona, maibé kona-bá atu halo pagamentu liña frente ba jornalista sira , depende ba Ministeriu Finansas.

Nia Prosesu administrativu MAPKOMS sei prepara, maibé ministeriu finansa mak sei foti desizaun no halo pagamentu tanba MAPKOMS seidauk simu dekretu-Lei ne’e tanba seidauk bele atu haruka jornalista sira nia lista ba Ministeiriu Finansas, Dehan nia.

“Agora Primeiru Ministru seidauk hateten ba MAPKOMS katak Lei ne’e tó ona, entaun nia prosesu lao ona, se Prezidenti Repúblika Promulga haruka ba governu depois haruka ba iha MAPKOMS nia Gabineti , haree hafoin halo prosesu”, Tenik nia

Nune’e mós Prezidente Repúblika Francisco Guterres “Lú Olo” iha Kinta ne’e deklara ona katak kona-bá apoiu ba jornalista liña frente sira.

“Jornalista sira iha liña Frente ne’e ha’u promulga ona, iha tempu kleur importante agora governu implementa de’it”, Dehan PR. *Jos