Mota Loes Ameasa Komunidade , Husu Governu Taumatan
Naunil Media (Liquiça), Dadaun ne’e Mota Loes hahú husi suku Guisu kuaze atu lori natar komunidade husi hektares rihun ida tó rihun rua no estraga ona populasaun sira nia produtu, husu governu taumatan.
Lia hirak ne’e ható husi Koordenadór Rede Sosiedade Sivil Munisípiu Liquiçá Paulino Francisco bainhira hala’o dialogu aberta ho Prezidente Repúblika Francisco Guterres “Lú Olo” iha Salaun Tokodede, Dato Sexta (17/12).
“Agora dadauk mota ne’e ameasa husi suku Guisu hodi tun mai kuaze atu lori ona natar hektares rihun ida to rihun rua ne’ebé mak estragu ona komunidade sira nia protudu iha ne’ebá, entaun ida ne’e ami halo advokasia husi nivel Munisípiu no nasionál seidauk hetan solusaun ida, governu presiza tau matan”, Dehan Koordenadór Rede Sosiedade Sivil
Nia mós husu ba Prezidente Repúblika atu hatutan sira nia preokupasaun sira ne’e ba Ministeiriu relevante nune’e tau atensaun.
“Ami ható ba iha Prezidente Repúblika bele ható ba ba governu, atu nune’e tau atensaun ba moru Protesaun hahú husi suku Guisu, nune’e proteze mota ne’e tanba kleur ka lais Mota ne’e sei sobu tó faan katupa nian ne’e iha futuru “, katak Paulino.
Nia dehan, Nu’udar rede Sosiedade Sivil halo ona advokasia tanba dezastre bo’ot ne’ebé akontese iha mota Loes, ne’ebé mak agora dadauk governu tau ona atensaun, no sira mós haree katak lakobre área hotu maibé tanba halo Protesaun ba Ponte ne’e de’it.
Iha fatin hanesan Vice Ministru Agrikultura no Peska (MAP) Abilio Xavier de Araújo, Hateten preokupasaun ne’ebé ható husi sosiedade sivil ne’e, tanba ho inundasaun ne’ebé akontese nune’e mota lori ona to’os no natar tó hektares.
“Ita atu hateten iha Maubara óha Atabae agora dadaun destaka hela ita nia eskapator ida ne’ebé agora nia paradeiru ne’e iha Atabae, para hodi bele responde ba nesesidade sira ne’ebé mak ligadu ho ita nia toos nain sira hasoru liu-liu irigasaun”, Tenik Vice MAP
Membru governu ne’e mós hateten preokupasaun hirak ne’e ható mós iha Munisípiu Bobonaro, maibé nia fiar katak ho irigasaun ne’ebé mak iha presiza imformasaun ba iha Diresaun sira liu-liu or Munisípiu nune’e tekniku sira haree saida mak toos nain sira hasoru no presiza tau atensaun.*Jos
