UPJTL La’os Atu Kompete, Maibe Atu Kompleta
Ho koferensia dahuluk UPJTL
Naunil Media (Dili), Ezistensia Asosiasaun Uniaun da Profisaun de Jornalista de Timor-Leste (UPJTL), la’os atu kompete, Maibe atu kompleta ho asosiasaun Jornalista Timor-Leste (TL), Ne’ebe eziste ona.
UPJTL eziste ho inisiativa husi estrutura, Nune’e mos mandatu husi Kontituisaun da Republica Democratica de Timor-Leste (K-RDTL) iha artigu 43, Koalia kona-ba liberdade asosiasaun.
Kordenador Komisaun Instalador UPJTL, Xisto Freitas Piedade, hateten, UPJTL eziste ho inisiativa inisiador sira rasik, Nune’e mos mandatu husi K-RDTL.
” UPJTL eziste tanba fundador sira nia nia inisiativa rasik, Nune’e mos mandatu husi K-RDTL iha Artigu 43, Ne’ebe koalia-ba liberdade asosiasaun, ho baze ida ne’e hamosu idaia husi fundador sira, Nune’e eziste no hamosu UPJTL ,” Dehan Kordenador Komisaun UPJTL, Xisto Piedade, ba jornalista sira iha seninariu Nasional “Dezafiu no Papel Media Importante iha Dezemvolvimentu” No Kongresu dahuluk UPJTL, iha Salaun MSSI, Sexta, (17/12).
Nia haktuir, UPJTL nia vizaun ho Misaun, atu asegura servisu jornalista iha terenu ho dignu, akompanha mos halo advokasia ba Jornalsita sira.
” Ezistensia UPJTL ho nia vizaun asegura servisu jornalista sira nian iha terenu ho dignu, Tanba durante ne’e jornalista sempre sai alvu ba problema husi fontes sira liuliu ho empregador , Ho Misaun halo advokasia ba jornalista sira divulga informasaun ba publiku, Ho nune’e UPJTL eziste atu kompleta ho asosiasaun sira seluk sai hanesan advokasia ba jornalista sira atu hala’o aktividade ho dignu,” Haktuir Aktual Vise-Prezidente Tatoli,IP.
Inisiador UPJTL ne’e haktuir, Dinamika ezistensia media barak ho avansa Jornalista mos barak, tenke avansa mos ho kongresu ezistesia jornalista nian.
Durante ne’e iha asosisaun rua mak hanesan, Asosiasaun Jornalista Timor-Leste (AJTL), ho Timor-Leste Press Unaiun (TLPU), esforsu hodi halo advokasia ba jornalista sira ne’ebe enfrenta problema, Maibe seidauk sufisiente presiza asosiasaun ida tan hodi kontribui tau matan didi’ak ba jornalista sira, Informa Xisto.
Ezistensia UPJTL hamutuk ho AJTL ho TLPU haforsa no eleva kapasitasaun jornalista sira liu hosi formasaun, no mos advokasia ida ne’ebe forte liutan ba jornalista sira.
Fundador UPJTL maioria Jornalista sira husi Media Publika no Privadu sira, Fundador sira tenke ho indepedente impasial ho dedika sira nia a’an, Nune’e Asosisaun bele la’o tuir nia misaun ne’ebe iha. Gio/Ivo
