“Lú Olo” Re-kandidatu Garante Sei Manan Iha Primeira Ronde
Naunil Media (Ermera), Atkual Prezidenti Repúblika (PR) Francisco Guterres “Lú Olo” re-kandidatu garantia sei manán iha primeira Ronde sai Prezidenti Repúblika ba periodu 2022-2027.
“Ho kompromisu fó-an tomak ba povu no pátria mak ha’u uluk kandidata ba Prezidenti Repúblika iha tinan 2017, ho apoiu tomak husi FRETILIN, Ha’u manán iha primeira volta, tanba maioria Povu fó fiar mai ha’u, atu sai Prezidente Repúblika,” Dehan PR Francisco Guterres “Lú Olo” liu husi nia diskursu bainhira pronunsia nia Re-kandidatura ba PR iha Salaun parokia Ermera Tuan, Domingo (16/01).
PR hatutan, Durante xefí estadu hasoru dezafius no difikuldade barak, maibé ho ulun malirin no matenek povu Timor-Leste moris hakmatek to’o ohin loron.
Xefí estadu mós koxiente katak, liu husi ko’alia ba malu no tulun malu, ho líder sira ne’ebé hakarak duni serbí Povu, mak bele hametin demokrasia, páz no estabilidade no hala’o dezenvolvimentu sósiu-ekonómiku hodi halakon kiak no mukit.
“Lú Olo” hateten, Timor-Leste presiza nafatin Prezidenti Repúblika ida ne’ebé iha koñesimentu klean kona-bá relasaun internasionál tanba liuhusi parseria bilaterál no multilaterál ho rai sira seluk, mak bele hala’o dezenvolvimentu sósiu-ekonómiku no hametin soberania nasionál.
Nia haktuir Ohin simu konfiansa husi kompatriota liu rihun atus ida rua nulu resin, atu nia sai dala ida-tan, Prezidente Repúblika ba Timor-Leste no ba Povu tomak.
Nia dehan, Konfiansa ne’ebé mai husi veteranus, jerasaun patriota, husi katuas-ferik to’o Juventudi Loriku asuwain tomak, mai husi natar-nain no to’os-nain sira, produtór kafé, traballadór iha sektór públiku no privadu, estudante sira, intelektuál no akadémiku sira, husi munsípiu hothotu no RAEOA.
Nia mós sente onradu tebes ho konfiansa maluk sira ne’ebé mak ema hotu tau no mós mai husi Povu soberanu, Konfiansa ida ne’ebé nia asumi hanesan kompromisu bo’ot ida ba nia rasik atu re-kandidata ba Prezidente Repúblika 2022-2027.
Jornalista *Jos
Editór Lop
