Maria Leba Bani-Been Haleu Sidadi Díli, Tanba Nesesidade Família
Naunil Media (Díli), Inana Maria Grasiana leba Bani-Been haleu sidade Díli durante okupasaun Indonesia to’o ohin loron hodi Sustenta nesesidade família no selu oan nia eskola.
“Fa’an ne’e atu selu oan nia Eskola loron ida ami fa’an hetan $15 ha’u fan iha tempu Indonesia to’o ohin loron, ha’u laiha servisu seluk atu halo”.dehan Negosiante Maria iha ba jornalista Naunil Media foin lalais ne’e.
Inan hatutan ne’e, maske loron manas, maibé lalakon vontade atu hulan bani-been haleu sidade, ha’u kaben buka bani-been tan de’it atu rezolve ne’esesidade uma laran.
“Katuas mak ba buka hodi mai ha’u mak faan, tempu udan ema hola la barak entaun bani-been ne’e estraga de’it, ami fan butir ida halo $5 no akua kiik $2 dolar, ha’u iha oan 10 sira eskola htu”, dehan inan ne’e.
Inan husi oan na’in 10 ne’e bainhira loron matan foti an sae, tula an iha fohu nia tutun Maria mós komesan foti Aileba hakat sai husi odamata uma nian komesan lao haleu Díli to’o loraik loro matan monu tun ba tasi, nia mós fila ba uma deskansa kalan hodi kontinua fali ba loron aban.
“Dare jam 6 ha’u sai ba faan ona fali fali ba uma jam 6 kalan mak fila tenke tein prepara fali ba han kalan nia”, konta tuir Meri.
Husi faan Bani-been ne’e konsege sustenta oan to’o remata Sekuldária no agora kontinua iha universidade, ema sempre bolu Maria Bani-been Inan husi oan 10 ne’e husi Postu Administrativu Remexio, Munisipiu Aileu, agora hela iha Suku Kamia Postu Administrativu Kristu Rei Munisípiu Díli Maria ho tinan 60. Gyor
