Lere Sei Apoia Kandidatu Iha Prinsipiu Promove Dialogu Unidade No Esatabilidade
Naunil Média (Díli), Kandidatu Prezidente da Repúblika periodu tinan 2022-2027, Tenente Jenerál reformadu, Lere Anan Timur deklara, sei apoia kandidatu Prezidente da Repúblika Ramos Horta ho Francisco Guterres Lu-Olo, ne’ebé mak promove dialogu unidade no estabilidade nasionál, atu bele lori dezemvolvimentu iha rai laran.
“ Hau hili lider ne’ebé tuir hau nia prinsipiu promove dialogu unidade nasionál rekonsiliasaun iha estabilidade ba ita nia rai,” Dehan Jenerál Lere Anan Timur, liu hosi komunikadu impressa, iha sede nasionál pantai kelapa, Tersa, (29/03).
Lere Anan Timur, Lakohi atu ukun ho vigansa.
“ Hau lakohi ita kuandu ukun la’os ho vigansa, ukun labele sai opozisaun ba lider sira seluk, hot-hotu tenke servisu hamutuk atu bele lori nasaun doben Timor-Leste ne’e ba oin,”Tenik Lere.
Nune’e Lere Anan Timur deklara to’o agora seida’uk iha pozisaun ida atu apoia kandidatu A-B.
Se mak ukun? Ita mesak Timor-Oan.
“ Ba hau semak ukun laiha problema, tanba ita mesak Timor-Oan, Importante mak ukun hanesan aman ba nasaun ida ne’e, tenke hakoak ema hot-hotu, Tanba ohin loron konfiguarsaun politika agora tau lider istoriku sira mak compete malu, sira iha konsiensia tomak katak sira sei promove dialogu unidade nasionál rekonsiliasaun kria estabilidade ba ita nia rai.” Haktuir Jenerál Lere.
Lere mós hateten katak, Seida’uk iha desizaun atu apoia Lú-Olo ho Ramos, maibé sira nain rua mesak Timor-oan se mak ba ukun ukun Timor.
Dala da tan Lere apela ba ba kandidatu Ramos ho Lú-Olo, promove dialogu unidade entre lider hot-hotu, lider ho nia povu, labele opozisaun.
Lere Anan Timur, fó liberdade ba apoiantes, se mak Fretilin ka PLP bele fila ba nia uma. No mós ba organizasaun masa hotu, konsiensia mak rekomenda ba ema ida-idak atu hili.
Entre Ramos ho Lú-Olo. Lere sei hili komunga prisipiu promove dialogu hakotu impase politika rai laran. Latu
