Akademista Husu Governu Koloka Ema Matenek Iha SEFOPE, La’os Koloka Ema-Beik
Naunil Media (Díli), Relasiona akontesimentu ne’ebé mak akontese iha loron 07/06 ne’e joven barak iha resitu formasaun lian korea Becora, halo tratamentu ba rai liur, tan ne’e akademista husi Universidade Nasionál Timor Lorosa’e (UNTL), atual vise dekanu Finansas iha Fakuldade (FCS), Julio Apariso husu ba parte governu tau ema ne’ebé mak matenek iha Sekretáriu Estadu Formasaun Profesional Empregu (SEFOPE), atu forma ema sai professional liu tan.
“ Ema ne’ebé mak sekretáriu Estadu ne’e tenke ema ida ne’ebé mak matenek, la’os tur iha ne’ebá para tau ema nia lista para haruka ema ba rai liur o tur iha ne’ebá tenke matenek iha áreas oin-oin, iha koñesimentu geral”, Dehan Akademista husi Universidade Nasionál Timor Lorosa’e (UNTL), atual vise dekanu Finansas iha Fakuldade Ciensias Sosiais (FCS), Julio Apariso ba jornalista Naunil Media iha kampus lama Kaikoli, kuarta (08/06).
Julio Akresenta, Sekretáriu Estadu Formasaun Profesional Empregu (SEFOPE), forma ema sira profesioal atu servisu iha rai laran la’os haruka ema ba servisu iha rai liur.
“Tuir ha’u nia hanoin SEFOPE ne’e forma ema para atu servisu iha nia rai laran, los ba servisu iha ema nia rai ne’e la professional, professional katak o iha abilidade iha eskil para servisu ba o nia nasaun no estadu la’os servisu fali nasaun seluk no estadu seluk”, Informa nia.
Timor-Leste iha objetivu luta atu ukun aan ne’e la’os ba servi ema nia rai, maibé servi rasik nia rai no estadu atu bele halo dezenvolvimentu iha nia rai laran.
“ Ita nia objetitu luta ba ukun aan la’os haruka ema ba rai liur, tanba ne’e mak sai sekretáriu empregu ne’e tenke tau ema n e’ebé mak matenek, la’os sekretáriu estadu ba lori lista hodi haruka ema rai liur ne’e la’os professional di’ak liu ita troka SEFOPE nia naran, halo ema nia lista haruka ba rai liur, maibé iha ne’eba formasaun professional atu forma ema ho kualidade”
Nia mós hatene ba servisu iha rai liur ne’e fó osan naton ba ajuda uma laran , maibé diak liu halo kampu traballu iha rai rasik, dehan nia.
Estadu Formasaun Profesional Emprego (SEFOPE) atu rai osan haruka ema ba kuda sabraka husi Aileu to’o Ramelau hodi bele halo produtu ruma hodi bele transporta fali ba rai liur la presiza haruka ita nia ema ba ku’u sabaka iha ema nia rai. Ivo
