CNC Halo Desimina Informasaun Violasaun Direitus Humanus ba UPM
Naunil Media (Díli), Tersa (21/06) ne’e, Centro Nasionál Chega (CNC-Sigla Português) halo desiminasaun informasaun kona-ba memória pasadu liga ho violasaun direitus humanus durante tempu okupasaun Indonesia iha Timor-Leste ba Unidade Polísia Marítima (UPM).
Diretor Relasaun Externa, Komunikasaun no Advokasia CNC, Lourenco de Souja, esplika objetivu atividade refere desimina informasaun ba UPM kona-ba asuntu memoria pasadu nian ne’ebé mak rekolla ona iha CNC.
“Dezamonasaun ida ne’e sei la halo de’it ba UPM maibé halo mós ba unidade polísia sira seluk, parte ida responde ba rekomendasaun CNC nian kona-ba oinsá estadu tenki kontinua fahe informasaun liga ho violasaun direitus humanus akontese iha tempu pasadu”, Lourenco de Souja, ba jornalista sira iha UPM Lesidere.
Iha fatin hanesan Segundu Komandante UMP, Aniceto da Silva, haktuir desimina informasaun kona-ba Timor-Leste nia istória, nune’e kona-ba luta husi tinan 1974 to’o 1999.
“UPM tomak bele apar ho situasaun ida ne’e, tanba ita nia membru UPM ne’ebé ho idade nurak, sira ladún kuiñese di’ak, kona-ba istória Timor husi hahú to’o remata”, tenik Segundu Komandante ne’e.
Ikus, Komandante ne’e em nome Unidade Polísia Marítima agradese, tanba CNC desimina informasaun imporantante sir aba membru UPM sira. LTS
