AATL Aprezenta Peskiza Polítika Ekonómia iha TL
Naunil Media (Díli), Austrália Awards Timor-Leste (AATL) aprezenta peskiza kona-bÁ polítika dezenvolvimentu ekonómia iha Timor-Leste.
Tuir vise prezidente ba Austrália alumni association Carmeneza dos Santos Monteiro informa, Aprezentasaun ida ne’e atu habelar informasaun de’it kona-bá polítika ekonómia iha rai laran, liu-liu polítika ne’ebé barak liu influensiadu husi rekursu minarai ne’ebé Timor-Leste iha.
“Riku soin husi mina no gás ninia di’ak mak fó rekursu ba ita, maibé dala barak mós halo ita sai lakon oportunidade atu hanoin kona-bá oinsá atu kria atividades ekonómiku sira seluk ne’ebé bele fó servisu barak liu tan, ou bele fó rekursu barak liu tan ba ita nia rai”, Dehan vise prezidente ba Austrália alumni association Carmeneza dos Santos Monteiro ba jornalista hafoin remata workshop iha Maubara Room Timor Plaza, Kuarta (10/8).
Vice prezidente ba Austrália alumni association ne’e hatutan, Bainhira ita nia rekursu minarai hahú tama ona iha tinan 2006 i 2007, orsamentu estadu ninia tomak ne’e 90% mai husi fundu petroleo ne’e rasik.
Timor-Leste iha kafé ne’ebé iha tinan barak nia fó kuaze 200 milloes kada tinan, i depois agora ita nia maun alin sira ne’ebé ba servisu iha rai li’ur sira konsege hatama investimentu mai Timor-Leste, kuaze liu ona produtu kafé nian, maibé ninia montante ne’e kiik oan liu kompara ho mina no gás, dehan nia.
“Ita nia kustu estadu ninia emjeral iha tinan rua ba kotuk 1.2 biloes i 1.5 biloes, no Husi 1.5 biloes ne’e 200 miloes de’it mak mai husi domestik reveniu, entaun 200 milloes ne’e seidauk konsege atu selu funsionariu sira nia salariu, tanba alokasaun ba funsionariu públiku ninia salariu ne’e 200 milloes liu”, Esplika nia
Mina no gás ne’ebé hanesan agora dadaun fó osan ba Timor iha bayu undang ne’e besik atu maran ona, entaun kuandu mina ne’e besik atu maran ona, ita iha aktividades ekonomia sira seluk ne’ebé bele fo fali rendimentu foun ba ita atu bele kontinua sustenta Timor-Leste nia dezenvolvimentu, nai hakotu lia. LTS/Gyor
