Empata 1-1, AD SLB ho Corasaun Fahe Pontu Hanesan

Naunil Media  (Díli),  AD SLB Laulara fahe pontu ida hanesan ho FC Atletico Ultramar/ Coração tanba ekipa rua impata ho skore 1-1 iha divizaun dahuluk Liga Timorense epoka 2023.

Enkuantu Jogu entre AD SLB Laulara kontra FC Atletico Ultramar/Coração hala’o iha Estadium Munisipal Díli, Kuarta (22/02).

Iha jogu parte dahuluk bainhira kick off  ekipa rua halo kedas kontra atake ba malu tuir estratejia ekipa ida-idak nian hodi anima tebes adeptu sira maibé iha jogu ne’e AD SLB Laulara domina liu bola  ne’ebe tama ba minutu 35 jogador estranjeiru Baka Yoko Ozi marka golu halo adversariu nia redi nakdoko hodi hatur kedas skore ba 1-0, iha minutu 10 jogu parte dahuluk remata la iha tan ekipa aumenta golu maski ekipa rua esforsu atu marka golu hodi muda skore to’o minutu 45 remata.

Kontinua tama ba jogu parte daruak ekipa rua muda estratejia hodi hasa’e ritmu jogu anima  adeptu sira hotu iha kampu maibe AD SLB Laulara nafatin domina bola maibe ekipa adversariu la fo oportunidade para sira aumenta golu ne’ebe tama ba minutu 62 jogador Carlos Ximenes husi FC Atletico Ultramar/ Coração marka golu liu husi suta penalidade hodi muda kedas 1-1 ne’ebe hela minutu 28 no nia laran la iha ekipa ida aumenta tan golu to’o minutu 90 remata maski ekipa rua halo jogu hakarak aumenta golu to’o minutu 90 skore nafatin 1-1 hodi rezulta ekipa rua tenki fahe pontu ida-ida ba malu.

Hafoin jogu rua ne’e remata asistente treinador Atletico Ultramar/Coração Siquito do Carmo hatete, sira orgullu tebes tamba ho impata ida ne’e bele motiva sira nia jogador sira hakarak manan tan iha jogu tuir mai.

“Grasa ida ami bele hetan pontu ida tanba ekipa AD SLB Laulara nia jogador mesak selesaun nasional deit ne’ebe impata ida ne’e ami orgullu tebes bele fo motivasaun no vantajen ba ami nia jogador sira ne’ebe esperansa ba oin  manan ida ho impata ida ne’e fo motivasaun diak ba jogador sira  hakarak hetan vitoria nafatin ba jogu tuir mai”, tenik Siquito

sorin seluk treinador AD SLB Laulara Julião Monteiro mos apresenta , sira nia jogu iha parte daruak nian maibe falla iha finalizasaun ne’ebe sira sei hadia iha jogu tuir mai

“Hau hare’e jogu ohin iha jogu parte daruak nian ami hetan ona ami nia jogu maibe ami falla finalizasaun no ami crossing sira ladun accuracy ne’ebe ami sei hadia ida ne’e no ami hadia tan iha parte ami nia jogador lakon bola no adversariu halo tranzisaun, jogador sira hare’e deit”, Julião hateten

Empata 1-1 lori FC Atletico Ultramar/Coração lidera hela tabela klasifikasaun ho pontu haat husi Jogu dala rua manan ida ho impata ida no AD SLB Laulara okupa pozisaun 6 ho pontu ida husi jogu dala ida. Aba