FRETILIN Kestiona Aileba Hulan Aifuan ba Palásiu Prezidensiál, Porta-voz Aileba : “Ami Prontu Simu Konsikuensia”
Naunil Media (Díli), Vendedor Aifuan la menta ho deklarasaun husi Deputadu Bankada Frente Revolusionáriu Timor-Leste Independente (FRETILIN) konsidera sira hafoer Palásiu Prezidensiál, Bairu Pité.
Porta-voz vendedor Aifuan, Litu da Costa Andrade, hatete deputado halo deklarasaun ne’e la hatene tuir nia-àn tansa mak Aileba sei ezisti iha Timor.
“Husu tok ba Deputadu tan saida mak Aileba ne’e sei iha, tan Governu nia kbi’it sei natón hela atu fo servisu ba ami. Ami buka moris husi Aileba, ami tulun Estadu tan estadu laiha responsablidade ba ami nia moris”, Dehan Porta-voz ne’e iha Jardim 5 De Maio, Sexta (01/07).
Porta-voz hatutan, se deputado sira mak la konsidera sira hanesan timor ona sira ptontu atu simu kualket desizaun husi Deputadu sira.
“Ami la bele tama ba Palásiu Prezidensial, tamba saida se Deputado sira konsidera ami laos Timor oan ami aileba prontu, imi mai tiru mate tia ami Para Aileba ne’e taka tia”, nia Salienta.
Sira sente orguilho ho Prezidente atual, tan bele konsidera sira no iha programa ida kada loron hatama Aifuan dolar Atus ida 100$ ba Palásiu Bairu Pité.
“Prezidente truka malu ona mos foin prezidente ida ne’e mak halo ami kontente no haruka ami halo grupu rua hodi lor-loron hatama aifuan ba Palásiu”, nia Apresia
Prota-voz ne’e husu ba Deputado sira atu hasai linguazen ida ba nia povu ou Sidadaun tenke tetu lai.
“Ami mak foer maibe ami nia produtu la foer”, nia Hakotu. Gyor/LTS