Polísia Tranzitu Prende Viaturas 10, Viola Kodigu Estrada
Naunil Media (Díli), Servisu Operasional Polísia Nasionál Timor-Leste (PNTL) liu hosi Departamentu Nasionál Trânzitu no Seguransa Rodoviária (DNTSR), halo atividade pasa revista ba kareta no motor sira ne’ebé halo movimentu iha estrada públiku konsege prende viaturas 10 resin ne’ebé kontra kodigu Estrada.
Sub Xefi DNTSR, Inspetor Xefi Polísia Inocencio Freitas hateten, atividade check point ne’e hodi eduka nafatin sidadaun sira hodi respeita kodigu estrada.
“ Informa ohin ami halao tuir diretiva operasaun ne’ebé maka ami nia komandu atribui hodi garante katak ema hotu ne’ebe maka uja estrada públiku tenki kompleta rekezitus hahu kedas hosi karta kondusaun nomos asesores transporte nian no ita konsege prende motorizada 10, kareta 5 inklui kareta Guvernu ida no-mós dokumentus viaturas hamutuk 11”, Dehan Inspetor Xefi Polísia, Inocencio Freitas ba jornalista sira iha Kuartel Jeral PNTL Caicoli, tersa kalan (23/11).
Nia afirma, infrator sira ne’e maioria laiha karta kondusaun no laiha asesores hanesan xapa matrikula, lampu, ispellu laiha.
“Kona-bá kareta Guvernu ida ne’ebé ohin ita prende ne’e tanba lauza xapa matrikula oin kotuk, entaun ida ne’e ita konsidera infrasaun bo’ot ida mesmu patrimoniu estadu ita tenke prosesa”, Afirma Nia.
Nia hatutan, Antes ne’e deputadau sira iha Parlamentu Nasional mos kestiona kona-bá kareta sira ne’ebé modifika hodi uza lampu sorot iha oin, ne’ebé halo movimentu kalan bele prejudika perturbasaun públiku no asidente ba motorista seluk, entaun ida ne’e mos tama hotu iha area operasional tranzitu nian. Ana
