MEJD Aprezenta Dilizensia Prosesu Rekrutamentu Profesór Voluntariu Ba Konsellu Ministru

Naunil Media (Díli), Sorumutuk konsellu Ministru iha loron 18 fulan Janeiru tinan 2023 Ministru edukasaun juventude no desportu (MEJD) Armindo Maia, aprezenta dilizensia ne’ebé halo hela iha ambitu prosesu rekrutamentu profesór voluntariu no kontratadu sira ba konsellu Ministru

“Konsellu Ministru sei hola medisas para ita bele solusiona ba rekrutamentu profesór voluntariu no kontratadu sira”, dehan Ministru prezidensia konsellu Ministru Fidelis Manuel Leite Magalhães ba jornalista iha palásiu Governu foin lalais ne’e.

Governante ne’e hateten, Durante aprezentasaun, fahe ona opsaun sira ne’ebé sei avalia hela husi Ministériu Edukasaun, Juventude no Desportu ba prosesu rekrutamentu profesór voluntáriu sira.

KM mós ohin hato’o ba Ministru MEJD katak, tenke hetan nia solusaun ba problema sira ne’ebé ita infrenta, liu-liu ho situasaun sira ne’e.

Tanba ita mós lakoi ita nia oan sira kontinua eskola profesór sira laiha kualifikadu mak hanorin sira, ne’ebé aumesmu tempu ita mós lakoi hanesan soe hela de’it profesór sira ne’ebé mak presta ona sira nia servisu no kontribuisaun durante ne’e hodi kontribui ba sistema edukasaun ita nian.

“Ita tenke halo valansu ida i tenki hare mekanismu ida para oinsá bele halo hanesan filtru fali hirak ne’ebé mak kualifikadu duni para bele kontinua presta hodi kontinua nafatin hadia sistema edukasaun”, Nia hakotu. LTS