SEAK Promove Identidade Nacionál Liu Husi Atividade Kultura
Naunil Media (Díli), Sekretáriu Estadu Arte no Kultura, Teofilho Caldas, informa sei kontinua promove identidade nasionál liu husi aktividade kultura.
“Governu konstitusional da-ualu hakarak agradese wain ba Prezidente Repúblika Francisco Guterres Lú Olo,hanesan aman Nasaun inspiradór, motivador ba artista sira hotu, liu-liu joventude sira mak ho talentu ba musika haburas no haklean patriotizmu no nasionalizmu”, Governante ne’e , ba jornalista sira iha Edifísiu SEAK, Pantai Kelapa, Segunda (26/10).
Nia informa liu-tan eventu realiza tanba servisu hamutuk entre gabinete Estadu Sivíl ho liña ministeriai, partikularmente ho Sekretária Estadu Arte no Kultura.
“Prezidente Républika hamutuk ho Governu liu husi SEAK kontinua promove indetidade nasionál liu husi atividade kultural no atividade artistika. Ita halo promove artistika joven sira ne’ebé atu partisipa kompetisaun kanta musika rejistensia hodi komemora iha loron 28 de Novembro 2020”, tenik Governante ne’e.
Nia dehan, konstetante hamutuk 126 maka partisipa iha eventu kompetisaun refere mak heroi ba dezemvolvimentu iha área artistika musika no poeta.
“Programa ida ne’e sei kontinua iha tinan 2021, tanba gabinete husi Casa Sivíl ho Governu Prevé ona orsamentu kontinuasaun programa ida iha tinan 2021. Husu ba ita bo’ot sira nia partisipa ho vontade di’ak liu tan ho antusiasmu imi maka heroi aban bain rua lori dezemvolvimentu ba iha Arte e kultura no Artista sira”. Dehan Nia. Emj14
