SEFOPE ho IlO Asina MoU ba Asegura Traballadór Feto no Labarik Feto
Naunil Media (Díli), Husi Salaun SEFOPE, Tersa (27/10) ne’e, Sekrtáriu Estadu ba Formasaun Profesional no Emprego (SEFOPE) ho Organizasaun Internasional Labour (ILO-Sigla Ingles) asina Memorandum Of Understanding (MoU) ba koperasaun servisu hodi halo revizaun ba Lei laboral 190 hodi adopta no elimina violensia ba feto no labarik feto iha servisu fatin.
Diretor Ezekutivo SEFOPE, Aniceto Leto Soro, esplika objetivu hosi koperasaun entre SEFOPE ho ILO atu halo revisaun ba Lei traballu, tanba ILO halo konvesaun 190 ba iluminasaun ba feto no labarik feto sira iha servisu fatin.
“SEFOPE ho ILO halo koperasaun ba Lei traballu tamba ILO halo ona konvesaun 190 ba iluminasaun ba feto no labarik feto sira iha sira nia servisu fatin. Ita presiza haree no halo estudu implementasaun ba Lei traballu los ka lae, iha ona regras previstu klaru Liu ba eleminasaun violasaun ba feto no labarik feto sira iha servisu fatin”, dehan Aniceto Leto Soro, iha salaun SEFOPE.
Iha Fatin hanesan, liu husi deskursu reprezentante ILO, Albert Vriyo, hateten ILO asina akordu ne’e atu implementasaun projetu Spotlight nian Liu husi pilar ligasaun no polítika mak SEFOPE sei halo.
“Hanesan ita hotu hatene, Inisiativa spotlight lansa iha fulan Setembru tinan 2017, hanesan parseiru globál ba plurianuál entre Uniaun Europeia no Nasoin Unidas atu halakon forma oioin husi violénsia hasoru feto no labarik-feto”, tenik reprezentante Ilo ne’e
Tuir Nia, inisiativa ne’e esforsu globál ida mak seidauk akontese hodi investe iha igualdade jėneru no, empoderamentu feto hanesan prekondisaun ida atu alkansa objetivu dezenvolvimentu sustentável. Nia dehan, durante ne’e hosi ILO ajuda apoiu ba, Spotlight mak hanesan Ajensia lima (5) hosi ,UNDP, UNICEF, UNFPA, UN Women no ILO.
Kada Ajensia iha ninia responsabilidade iha area spesífiku ida idak nian, nune’e ILO mos kontribui ba iha Pilar ha’at (4) hosi area legislasaun polítika, hodi Haforsa Intituisaun, no halo Prevensaun,inklui kualidade ba garantia servisu. Ivo