SEAK Prepara Dekretu Lei, Kondena “Autór” Duplika Tais

Naunil Media (Díli), Sekretáriu estadu Arte i kultura (SEAK) Teofilo Caldas hateten, SEAK prepara dekretu lei ida para atu hare ba Tais ne’e, se mak duplika tenki kondena nia ho dekretu lei ida

“SEAK hamutuk ho MESSK, no ministeriu turismu, planu para atu halo abertura ba desiminasaun lei direitu ba autór”. Dehan sekretáriu SEAK ba jornalista hafoin hasoru malu ho PM iha palásiu Governu, kinta (19/01).

Sekretáriu SEAK ne’e hateten, Depois desamina tiha mak ita foin bele kondena, tanba lei ne’e proteje autór sira i kondena mós ema seluk ne’ebé mak duplika, autór sira nia produtu ne’e, liu-liu Tais ne’ebé mak sira duplika.

“Ami mós prepara ona dekretu lei ida para atu bele ajuda, i liu-liu dekretu lei ne’e espesifikamente ko’alia kona-ba tais, ita hatene katak, tais rejista iha UNESCO iha ona rekonesementu, i Parlamentu fó ona rezolusaun ida, governu mós hasai rezolusaun ida, entaun ami prepara dekretu lei ida para atu hare kona-ba tais sira ne’e”, Nia esplika

Enkuantu lei kuandu hateten dehan invigor ona mak foin kondena ema, ne’ebé lei direitu de autór ne’e sei halo desiminasaun, loron 180 para atu halo desiminasaun, depois de desiminasaun 180 dias ne’e hotu ona mak foin bele implementa.

Signifika liu tiha loron 180 ita bele kondena ona ema sira ne’ebé mak falsifika ou duplika ita nia produtu lokal. LTS