Uma tolu inklui uma Lulik Usitako Afetadu ba Estrada Noefefan-Citrana

Naunil Media (Oe-cusse), Uma Lisan Usitako lokaliza iha Aldeia Tulaika, Suku Lifau, Sub-Rejiaun Parte Makasar, Rejiaun Administrativu Espesial Oe-Kusse Ambenu (RAEOA) afetadu ba alargamentu kontrusaun Estrada ligassaun Ponte Noefefan ba Fronteira Citrana.

Vítima Afetadu Domingas Taek, haktuir kronolojia konaba autoridade RAEOA ho Kompaña Waskita Karya PT, durante ne’e obriga sira atu sobu provizoriu Uma lisan Usitako ho uma ne’ebé sira hela ho dapur muda ba estrada ninin, hafoin estadu haree hodi fo konfensasaun ba uma no rai ba familia uma kain rua ne’ebe afetadu ba konstrusaun estrada Nasional husi Ponte Noefefan liga ba Fronteira Citrana nian.

“rai ne’ebé mak durante tinan 24 sira halo uma hela ba ne’e nudar eransa husu uma lisan Usitako nia hanesan rai privadu, maibe autoridade RAEOA ho Kompaña halo dezemvolvimentu estrada la halo konfensaun ka ganti rugi atu harii uma foun ba familia afetnia,”dehan Domingas ba Jornalista Media Tour, Iha hela fatin aldeia Tulaika, Kuarta (23/02).

Nia hatutan,ami prontu kopera ho parte governu atu halo dezenvolvimentu iha ami nia rai.

Maibe parte governu mos tenke konsidera ami hanesan povu husi Rejiaun Administrativu Espesiál Oe-cusse Ambeno (RAEOA) labele hasai ami la iha indimizaun ne’e.

“ami sei la sai husi fatin ne’e, tanba rai ami nia privadu laos estadu nian, governu sentral RAEOA halo dezemvolvimentu konstrusaun estrada nasional husi ponte Noefefan liga ba Citrana Nitive iha Fronteira ho Indonezia,”dehan nia.

maibe seidauk halo indimisaun ba uma no rai privadu husi uma lisan Usitako nian.

“Hau hakarak atu hasai hau nia uma ida ne’e, tanba atu halao dezenvolvimentu hanesan halo estrada Nasional ligasaun Ponte Noefefa too Citrana Nitive baliza Fronteira Indonezia, maibe hau husu ba governu atu hola konstrusaun  uman kompletu kompletu mak foin hau sai husi uma ne’e se laiha mak hau sei la rai husi fatin ne’e, tanba hau halo uma iha ne’e rai privadu hola parte ba hau nia Uma Lisan Usitako,”katak nia.

Nia hatutan, governu sentral RAEOA halo dezenvolvimentu ne’e diak ba rai Oe-kussi ho nia povu no jerasaun foun sira, maibe governu presiza halo konstrusaun uma foun molok gusur uma Lisan Usitaku, afetadu ba estrada nasional, tanba Timor ne’e ema hotu hotu iha kultura.

 “Hau sente tauk, tanba agora imi hare ho matan katak agora daudaun kareta boot sira ne’ebé tula rai henek mai fakar hau nia uma sorin-sorin no silindru mos komesa halo tetuk rai hau senti tauk triste to’o hau moras,”dehan nia.

 Tanba hau kalan la toba, ami nia lutu ne’ebé durante haleu uma ne’e mos sira sobu hotu ona no hela hau nia uma deit ho Uma lisan ne’ebé hau nia Ama hela ba ne’e sira,”nia konta ho mata ben.

Tanaba ne’e ,governu sentral RAEOA ho Kompaña haruka familia afetadu ho voluntariu haruka sira sobu sira nia uma provizoriu hodi halo dapur oan ida dook husi fatin afetadu ba estrada ne’e sira hela provizoriu lai hodi hein estadu halo konpensaun ba uma no rai.

“Governu sentral RAEOA ho Kompaña mai ona haruka ami halo uma kiik ida dook husi fatin afetadu estrada ne’e hela lai, maibe ami la aseita la kohi muda sai tanba sira mia koalia deit laiha karta ruma atu ami asina sira koalia ho ibun deit,”relata nia

Entaun, ami hakarak governu tenke hatun ona material konstrusaun foun mak ami sobu uma ne’e atu halo estrada ne’e ida ne’e la halo mak ami sei la sai husi fatin ne’e,” afirma nia.

Nia informa, nuudar familia afetadu ba dezemovlvimentu ba alargamentu estrada nasional hanesan povu ne’ebé kiik sente triste asaun ne’ebé governu halo la valorize sidadaun ho uma lisan hanesan riku soin ba nasaun Timor-Leste.

“Ami hanesan povu afetadu ami terus tiha ona, maibe governu hakarak halo dezenvolvimentu loke estrada Nasional, maibe tenke hare ami povu kiik ne’e, hanesan sukat estrada kona hau nia uma sira tenke hadia hau nia uma, tanba ami susar ona lori nafatin ami ba nakukun,”katak nia.

Tanba ne’e,governu ho kompaña halo dezemvolvimentu nasional loke estrada husi fonte Noefefan ba fronteira Citrana obrigatoriu tenke hadia uluk uma foun ba vitima afetadu sira tenke trata ho dignu atu labele vitima ba dezemvolvimentu iha nasaun Timor-Leste.

“Hau husu ba governu favor ida atu halo dezenvolvimentu tenke iha obrigatoriu moral halo uma diak ida no selu hau nia rai no aihoris ne’ebé mak sira estraga ona hanesan batar, molok sira sobu hau nia uma se ida ne’e sira la halo oho tiha hau mos hau sei la sai husi uma ida ne’e, tanba uma foun atu hela agora laiha,” hakotu nia. Ana