Deputada Olinda: KHUNTO Seidauk Hasai Jose Agustino Hosi Sekretáriu Jerál
Naunil Media (Díli), Xefe Bankada Kmanek Haburas Unidade Nasional Timor Oan (KHUNTO) deputada Olinda Guterres informa partidu KHUNTO seidauk hasai Jose Agostino husi Sekretariu Jeral partidu KHUNTO.
“Jose Aguatino sedauk sai husi nia kargu no ami mós sedauk hasai nia, se nia mak atu sai de’it mós ami tenke hateen haree ami ne’e solidu hela, tan de’it nia la mai tuir atividade ruma iha partidu mak konseleru hirus, se mak dehan partidu KHUNTO hasai tia nia ne’e bosok”, dehan deputada Olinda Guterres iha Parlamentu Nasionál, kinta
Nia Hatutan, Desintendementu interna partidu KUNTHO nia la iha implikasaun to’o Militante no simpatizante sira, KUNTHO sei solidu nafatin no kadeira sei aumenta tan iha Elisaun Parlamentar ne’e.
“Ha’u hanoin ne’e laiha implikasaun tan buat hptu tenke tuir estatutu partidu karik nia mak dehan lakoi ona hakbesik ba agora nia mak iha ne’eba de’it karta ba mós nia la mai, ema ba bolu nia la mai ne’e sala iha saida, ne’e tenke mai iha oin mak ita ko’alia se hakarak Naimori mak buka tuir nia, ha’u hanoin difisil ituan ami nia militante sira sei la nakadoko”, nia relata.
Olinda Afirma plataforma intendementu entre partidu FRETILIN,PLP ho KHUNTO sei mantin nafatin to’o Elisaun Parlamentar 2023 tan partidu tolu ho programa ne’e mak hanesan .
“Khunto ho Fretilin to’o iha ne’e de’it mate moris ho FRETILIN ho PLP, tanba ha’u lakoi haksoit tun sae primeiru ha’u ho FRETILIN segundu ha’u ho AMP agora mai fali ho FRETILIN agora ha’u tur iha Parlamentu ne’e mós ami ho Deputadu FRETILIN sira haree malu di’ak los, ne’ebé ha’u hanoin ami atu fahe malu susar ituan “, Nia Afirma.
Xefe Bankada Khunto ne’e esplika plataforma intendementu lasignifika partidu 3 halo koligasaun Pre-Elitoral antes, maibé iha kampania sei la ketak-ketak depois hetan asentu Parlamentu mak sei hamutuk.
“Kampania KHUNTO sei lao mesak bain hira elisaun remata ona mak foin halo koligasaun, politíka ne’e dinamika, ohin ho ida aban ho ida, laos firmi nafatin, maibé ida ne’ebé mak di’ak ona, ida ne’e mak sei lao hamutuk oinsa atu halo dezenvolvimentu ba oin”, Olinda Esplika.
Olinda Garantia Partidu Tolu FRETILIN,PLP no KHUNTO Forma ona Palataforma Intendementu mak sei forma IX Governu hodi halo dezenvolentu iha Setor Agrikultura, Edukasaun no Saude. Gyor