FEATUREDIkus LiuNewsPolitika

PM Taur Orienta SECOMS Merício, Kontinua Koordena ho Media Divulga Programa Governu

Fahe Tutan

Naunil Media (Díli), Seunda-feira (13/03) ne’e Sekretáriu Estadu ba Komunikasaun Sosiál, Merício Juvinal dos Reis “AKARA”, hasoru malu ho Primeiru Ministru (PM), Jenderál Taur Matan Ruak hodi partilla kona ba aktividade servisu nian, Xefe Governu mos nafatin tau fiar ba SEKOMS kolabora ho Média nasional no Intenasionál sira, hodi divulga informasaun ba públiku ho lolos nune’e, populasaun sira bele hatene servisu Governu nian.

Objetivu husi enkontru ne’e mak nafatin partilla nomós publika informasaun ho loos ba sidadaun sira iha baze, tamba mosu distorsi informasaun sira ne’ebé mak laloos ka (Hoax) kona-ba imajem, nomós lalaok Governu nian, durante mandatu tinan lima VIII Governu Konstituisaun nian liu liu kona-ba atinjimentu Governu nian.

Líder jerasaun kontinuador haktuir ba jornalista sira hafoin enkontru regular ho Xefe Ezekutivu, Matan Ruak, iha Palácio Governu.

“Enkontru ohin hanesan regular ho Primeiru Ministru koa’lia assuntu ida deit, Ha’u simu orientasaun oinsá koordena nafatin ho média no jornalista sira, kontinua divulga informasaun atividade progresu atinjimentu Governu nian, no saidá Mak Governu halo tanba remata ona mandatu Governu nian. SEKOMS iha programa “Meet The Press”, programa ne’e halao kada semana dala ida iha Kinta feira no komesa iha tuku 5 to’o tuku 6 lokraik ho durasaun horas ida,auditóriu-PCM, Palásiu Governu,” hateten “AKARA”

Programa ne’e konvida Membru Governu no autoriedade kompetente no Prezidente Institutu Públiku sira hodi priense, no koalia ho jornalista sira nune’e hakbesik liu tan entre membru Governu ho jornalista sira. 80%, Membru Governu kuaze priense ona programa ne’e hodi partilla informasaun kona-ba Progresu servisu atinjimentu Governu nian no prioridade ne’ebé sei implementa antes mandatu termina. Hateten “ AKARA”

Lider jerasaun foun ne’e mós afirma tan katak, ba oin SEKOMS, sei kontinua nafatin hala’o programa ida ne’e, Laos deit iha nivel nasionál Maibé sei priense mós nivel munisípiu, Atu nune’e populasaun sira bele hatene servisu Governu nian. Programa Meet The Press, hanesan programa Governu hasoru malu ho média, . Ho objetivu ida deit, atu divulga atinjimentu saida deit Mak Ministériu ne’e halo.

Ezekutivu salienta katak, Primeiru Ministru Jenderal Taur Matan Ruak, hein feedback Husi média sira, kona-ba esplikasaun Husi Membru Governu ne’ebé Mak inteteresante, nomós asuntu, publiku, komunidade.

SEKOMS mós esplika katak, maske seidauk iha peskiza kona-ba persepsaun públiku kona-ba aprezentasaun Meet The Press, maibé Husi publikasaun iha média sosiál, kontextu ida hatudu katak, numeru ne’ebé akompaña liu hosi Like, Live Streaming, maiória ema assesu ho numeru aas. Tanba ne’e SEKOMS iha konkluzaun Ida katak, ema iha interrese hakarak rona no hatene informasaun Governu nian. Hateten “AKARA”.

Governante ne’e esplika liu hosi Meet The Press ne’e mós, akompaña katak, HOAX ka Propaganda Ataka Governu la hanesan tinan uluk, agora klaru tanba iha tinan demokrasia ida ne’e ema tenta atu hamosu informasaun lalos (Hoax) ba Governu.

SEKOMS mós informa ona membru Governu sira atu prienxe programa Meet The Press , mai ho dadus kompletu ka relatóruu ruma, antes programa ne’e remata bele fahe mós ba média sira bele akompaña nafatin. SEKOMS mós sei kolabora ho ANAPMA, kona-ba relatóriu atinjimentu Ministériu hotu hotu nian, no sei halo rezumu no sei públika mós iha Website SEKOMS nia atu publiku akompañaa nafatin. Tri

Leave a Reply

Your email address will not be published. Required fields are marked *