PR Horta: Veta Lei Eleitorál Hakman Servisu STAE-CNE
Naunil Media (Díli), Prezidente Repúblika José Ramos Horta hateten, Iha loron (14/3) veta ona proposta lei eleitorál númeru 50/V(5a) alterasaun dalima lei númeru 6/2006 28 Dezembru atu hakman servisu servisu Sekretariadu Tékniku Administrasaun Eleitorál (STAE) ho Komisaun Nasionál Eleisaun (CNE) tanba nia sujere ba lei anteriór.
“Veta lei eleitorál, tanba preokupasaun la’ós Xefe Estadu nian de’it, maibé barak mak preokupasaun ba ida ne’e hotu primeiru sentru paralelu ne’e haree iha eleisaun prezidensiál foin mak hahú la funsióna ho loloos, laiha garantia no ema rihun ba rihun”, dehan Prezidente Repúblika José Ramos Horta ba jornalista sira hafoin remata partisipa seremónia abertura tinan akadémiku 2023 UCT iha Balide, kuarta (15/3).
Xefe Estadu hatutan, Nu’udar kandidatu momentu ne’eba hatene lakon konkorda lubuk ida rihun ba rihun, tanba laiha kontrollu ida ne’ebé di’ak.
“lubuk ida sira ba Suai atu vota iha ne’eba sira hatete fali imi tenke vota iha Dili iha sentru paralelu, maibé sentru paralelu sira ba naran laiha iha ne’eba, mesmu vota karik iha sentru paralelu ne’e laiha verifikasaun husi fiskál sira tranzimte direitamente ba STAE-CNE”, nia haktuir.
Purtantu ida ne’e preokupasaun partidu sira lubuk liu-liu partidu kiik sira, ida fali Munisípiu Atauro nusa laiha sistema ne’ebé montadu hanesan iha munisípiu sira hotu-hotu, tanba iha haree lei ba munisípiu haree lei eleitorál ne’e la han malu, nia hakotu. Ana
