POLRI Fo Kapasitasaun ba Membro PNTL
Naunil medía (Dilí), Komandu Polísia Nasional Timor-Leste (PNTL) ohin visita kortejia husi Embaixador Indonesia Polisia Republik Indonesia (POLRI) nian iha Timor-Leste (TL), hodi ko’alia konaba apoiu kapasitasaun ba membru PNTL
Komandante Jerál PNTL Komisariu Jerál, Henrique da Costa hateten, vizita kortejia husi embaixador ho nia kolega sira hakarak atu komprementa ba Komandante Jerál no Segundu Komandante Jerál foun.
“Husu nafatin ba POLRI no kolega sira seluk atu nune’e bele fó apoiu kapasitasaun ba iha membru PNTL sira iha area hot-hotu tuir Nota Entedimentu (MoU) ne’ebe maka prepara hela atu asina,”dehan Komandante Jerál PNTL Komisariu Jerál, Henrique da Costa,ba jornalista sira,iha komandu PNTL kaikoli,Dili,kuarta (05/04).
Komandante Jeral PNTL hateten, sira mai ho sira nia ekipa atu nune’e koñese malu diak liu tan no ita mós husu ba sira atu nune’e uza oportunidade ida ne’e bele servisu hamutuk iha parte dezenvolvimentu Rekursu Umanu nian.
Iha fatin hanesan,Embaixador Indonesia iha Timor-Leste, Okto Dorinus Manik,informa, ami husi Embaixada Indonezia iha Dili, hamutuk ho ami nia kolega balun,kompaña estadu no privadu sira mai iha PNTL nia eskritóriu.
“Ami hakarak kongratula Komisariu Henrique da Costa, xefe foun PNTL nian ho Pedro Belo nu’udar deputadu no nia funsionáriu sira atu nune’e iha futuru ita sei kolabora, saida mak ita bele halo, I antes ita halo diskusaun kona-ba dezenvolvimentu rekursu umanu”.
Maibe Embaixador Indonesia iha Timor-Leste ne’e hakarak sei aumenta tan kooperasaun iha área edukasaun iha Indonezia ba PNTL nia kolega sira iha Timor-Leste. Nune’e mos ita sei esplora kolaborasaun seluk ne’ebé ita bele halo ho kolega sira hotu la’ós de’it Embaixada Indonezia.
“Hau hanoin sei hametin relasaun amizade liu husi hametin ita-nia relasaun ho PNTL, ita sei mantein no ita sei hadi’a tan.
Aliened ne’e mos ita sei prepara MoU ida-ne’ebé detalladu kona-ba saida mak bele halo no bainhira mak sei halo,ami prontu atu tulun kualkér atividade PNTL nian iha Timor-Leste. Ana
