Povu Fo Fiar, PDC Sei Halakon LPV
Naunil Média (Betano), Partido Democrata Cristão (PDC), ho númeru Sorteiu 16 hala’o kampana ho tipu dortudor ne’e Prezidente Partidu hato’o nia komprimisiu ba militantes sira iha Betano Munisípiu Manufahi katak, bainhira povu fo fiar, sei halakon Lei Pensaun Vitalisia, no sei hadia infrastrutura bázika iha Munisípiu Manufahi
Prezidente Partidu PDC Francisco de Araújo kompromete ba militante sira katak, bainhira povu fo fiar ba PDC hetan kadeira iha parlamentar hodi reprezenta povu nia lian iha parlamentu nasional sei hadia lei sira ne’ebé mak la fo vantagen ba povu Nia moris no inklui halakon tiha lei pensaun vitalisia.
“Ita kontra tebes lei pensaun vitalisia ne’e tamba ita bo’ot sira hatene katak, ha’u hanesn prezidente partidu durante ne’e ha’u haknar an iha sosiedade sivil entaun ha’u mós kontra makas ba lei pensaun vitalisia ne’e, tamba lei refere lá fo Benefisiu ba ita no lei ne’e habokur de’it fali ema balun nia poder”. Dehan prezidente PDC Francisco de Araújo iha suku betano munisipio Manu-fahi, sábado (22/04)
Prezidente Partidu PDC ne’e mos hato’o razaun atu halakon lei pensaun vitalisia ne’e Tamba ema balun ne’ebé mak la hakna’ar an ona iha funsionariu publiku depois hetan pensiun ona hodi deskansa iha uma, lá hala’o ona kanar Hanesan funsionariu, máibe sira nafatin hetan Sira nia direito husi lei refere.
“Lei pensaun vitalisia nee tenki halakon tanba atu liberta deit fali ema balun nia poder, no tanba deit nia asume kargu durante tinan lima ho grau funsionariu publiku, tanba sa mak ita labele apoio orsamentu sira ne’e ba fali setor Sira seluk”. Nia akresenta
Nune’e prezidente mileneal ne’e apela ba nia militante no simpatizantes sira hodi Keta haluha vota ba numeru 16 hodi halakon lei pensaun vitalisia no hadia setor importante sira no infraestrutura bazikas.
Enkuantu partisipasaun iha dortudor ne’e hetan supervisiona husi oficial CNE no lá hetan husi seguransa husi PNTL, no tuir orario ne’ebé mak orgaun CNE estabelese ona ba partidu refere sei kontinua mini kamapana eleitoral iha loron Aban domingu 23 Fulan Abril iha postu Zumalain, mumisipiu Cova lima. Aba
