PDN Promove Paz No Dezenvolvimentu Ba Moris Di’ak Povu TL
Naunil Media (Díli), Presidente Partidu Dezenvolvimentu Nasionál (PDN), Lucas Kolibere hateten, Objetivu nudar partidu politíku ida ne’ebé promovel paz no defende unidade nasionál, haburas demokrásia atu dezenvolve programa partidu nian ba prosperidade povu Timor-Leste.
“PDN Ne’ebé fó garante ba partisipasaun ativa povu Timor-Leste iha prosesu dezenvolvimentu nasionál ho programa 10, maibé dezenvolvimentu nasionál, ko’alia kona-bá programa hanesan mós ko’alia politíku mak programa Saúde, Edukasaun, Infraestrutura, Turismu, Dezenvolvimentu rural, Kultura, Juventude,Setor privadu, Habitasaun Humana no Servidor Estadu”, dehan Presidente PDN iha Sede PDN Vila Verde ba Naunil Media Foin lalais ne’e.
Nia hatutan, PDN hamutuk ho povu ho joven sira atu luta oinsa ita bele hetan fiar husi povu, hodi luta kona-bá programa ida ne’ebé tau investimentu, politíku ekonomiku ba Timor oan hotu ne’ebé hakarak hala’o atividade ekonomia.
“tanba ne’e hakarak atividade ekonomia ne’e la’o entaun tenke tau fundus, fundus ne’e mais husi ne’ebé mai husi minerai ninian tanba hotu-hotu iha direitu ba minerai ne’e”, katak nia.
Partidu sira seluk ukun tinan hira-hira sira la muda povu nia moris, depois joven sira taa malu, artemarsiais sira baku malu ne’e labele ne’e fila ba governu, tanba laiha kapasidade no governu foti osan ba Sira nia interese programa povu nian sira fila ba Partidu nian, nia hakotu lia. Ana/Sich
