Moras ISPA Domina iha SS-Komoro
Naunil Media (Díli), Xefe Sentru Saude Komoro (SS-Komoro), Emilia Ayati de Sousa, informa dadaun ne’e moras ISPA domina iha SS-Komoro, bazeia ba dadus husi fulan Janeiru to’o Abril ho total 29.735 (61%).
“Moras ne’ebe sa’e maka’as liu mak Inspirasaun Respiratoriu Aguda, moras kulit, diaria, himper tensaun, asidente, penemonia relasaun sexual, moras matan, má nutrisaun no moras tuberkolojia”, Emilia Ayati de Sousa, ba Jornalista www.naunil.com iha nia knár fatin SS-Komoro, Segunda (16/05).
Xefe Sentru Saude Komoro, Emilia Ayati de Sousa, preokupa ekipamentus atendimentus ba pasientes lakompletu.
“Ami sei halo pedidu urjenti, dejenaraska ekipamentu tuan atu uja tuan sira”, informa Xefe Sentru Saude Komoro ne’e.
Nia esplika, pasiente sira hetan tratamentu mediku liu husi konsulta no fo ai-moruk (ambultorio ka rawat jalan), depois doutor/a sei haree ba pasientes ne’ebe simu tiha ona ia-moruk maibe sei moras nafatin entaun sira halo atensaun máximu.
“Saude iha ita nia liman rasik tan ne’e kuida ita nia familia no tau matan máximu ba ambiente. Ambiente mak sai meiu ida atu hetan saude diak no isin diak, karik la tau matan ba ita nia ambiete mak moras sei iha nafatin”, tenik xefe. Mj1
