PNTL Kaptura Sidadaun TL Na’in 3 Tanba Naok Karau iha Indonézia
Naunil Media (Bobonaro), Komandante Unidade Espesial Polísia UEP Superintendente Xefi Polísia Orlando Gomes, Informa servisu hamutuk ho Polísia Nasionál Timor-Leste (PNTL) liu husi patrullamentu konjunta entre Compania Operasionál Polísia (COE), Batallaun Ordem Publika (BOP) no Unidade Patrullamentu Fronteira ne’ebé destaka iha Postu Memo Saburai konsege kaptura sidadaun Timor-Leste na’in 3 hakat ilegal fronteira ne’ebé atu naok Karau iha Atambua-Indonezia.
“Kazu naok karau ne’ebé envolve mós sidadaun timor-oan na’in 8, maibé kaptura na’in 3 no na’in lima konsege halai tiha, ho evidensia hanesan karau tali ne’ebe uza hodi lasu karau Orlando via telefone ba Naunil Media, sabado (25/09).
Orlando akresenta entrega ona iha Komandu PNTL Munisípiu Bobonaro, enkuantu sira na’in 5 seluk konsege halai.
“Entre sira na’in 8 ne’e iha na’in 3 mak kaptura no asegura iha Komandu PNTL munisípiu Bobonaro no entrega ona ba ekipa saúde hodi kumpri protokolu saúde nian halo teste restreiu no kumpri kuarentena durante semana rua nia laran”, Nia haktuir
Nia hatutan,Wainhira kazu ne’e rejistu ona iha Ministéiriu Públiku maka PNTL hein mandadu kapturasaun hosi tribunal hodi kaptura sidadaun sira ne’ebé naok karau iha Atambua Indonézia hodi lori mai Timor-Leste.
Tanba ne’e, sira na’in 5 ne’ebé halai ne’e naran kompletu hotu ona ho evidensia balu no agora ita sei buka tuir hodi prosesa tuir lei ne’ebé vigor iha ita nia nasaun, Dehan nia.
Komandante ne’e afirma, Agora daudaun ne’e membru UEP hosi BOP no COE ne’ebé destaka iha fronteira hodi apoiu UPF kontinua halo operasaun hodi kontrola rigorozu liña fronteira, nudar parte ida hodi halo prevensaun no asegura fronteira sai fatin seguru ba ema hotu. Ana
