CARE-EUE Apoia Uma Mahon Ba Vitima Inundasaun Iha Manleuana
Naunil Média (Díli), CARE internasional iha Timor-Leste (TL), ho Embaixador Uniaun Europeira (EUE) iha TL, vizita komunidade vitima inundasaun ne’ebe akontese iha fulan abril tinan 2021.
Diretór CARE International iha TL, Peter Goodfellow, iha vizita ne’e hateten, objetivu vizita ne’e atu apoia uma mahon ba komunidade iha manleuna ne’ebe afeta ka vitima inundasaun ne’ebe mak dadaun ne’e hela iha lona okos.
“Programa ne’e implementa husi Care internasional iha TL ne’ebe finansia husi EUE, iha TL,” Dehan Diretor Peter, iha Manleuna, sexta, (22/10).
Nia haktuir, iha Rai-halai ne’ebé afeta kapital Dili no area sira haleu, CARE apoiu hela dadaun familia afetadu sira liu hosi Implementasaun programa inovativu ne’ebé lidera husi komunidade sira rasik no distribuisaun pakote aihan.
Inklui mos sasan esénsial sira seluk bazeia ba deskobrimentu husi prosesu konsultas iha avaliasaun husi Jéneru no uma mahon ba komunidade nian.
Diretor ne’e hatutan, Projetu EUE ho CARE nian ne’e apoiu familia afetadu husi inundasasaun nian liu hosi fornese pakote aihan no Sasan esensiál sira seluk, reabilita no hadia infraestrutura komunitária, nune’e mos distribui CARE nia, Magazine edukasaun ne’ebé eziste ona iha tempu naruk.
Nia esplika, Apoiu hirak ne’e diretamente benefisia uma-kain vulnerável hamutuk 203, ho ema hamutuk 2,500 ne’ebé hela iha aldeia 10, iha Manleuana liu uma kain 103,000 iha TL laran tomak, ne’ebé sei simu informasaun no edukasaun kona-ba harii uma ho seguru liu hosi magazine Lafaek ba Komunidade.
“CARE orgullu hodi servisu hamutuk ho Sekretaria Estadu ba Protesaun Sivíl (SEPS), no EUE, hodi hatan ba nesesidade imediata no kontínua ba sira ne’ebe maka afetadu liu, Ne’ebé fokaliza maka’as ba feto no labarik feto sira, nune’e mos prepara sira atu hatan ba kualker situasaun Emerjénsia no rekonstrusaun iha futuru,” haktuir nia.
Iha fatin hanesan, EUE iha TL, Sr. Andrew Jacobs, haksolok tebes hodi apoiu inisiativa ida ne’e, tanba tulun komunidade sira hodi rekupera husi inundasaun boot iha inisiu fulan Abril.
“ Ida ne’e apoiu ona sira mos atu bele prepara an dia’k liu ba kualker posibilidade Inundasaun iha futuru,” hateten EUE.
Hau partikulármente orgulhu ho apoiu ne’ebé fornese ba ema ne’ebé vulnerável liu.
” Durante vizita iha Manleuana, Embaixadór no delegasaun vizita no observa mos aktividade hamos no rehabilita drenajen, atividade hadia no rehabilita kanal bée mos nian no konstrusaun ho rehabilitasaun Ponte kiik no konstrui fasilidade lixu fatin,” haktuir Andrew.
Nia realsa liu tan katak Infrastrutura hirak ne’e importante teb-tebes atu harii hikas komunidade nia fasilidade sira ne’ebé afetadu ne’e.Ana
