Jornalista La’os Hakru’uk Ba Politika, Hakruuk Deit Ba Kodigu Etiku
Naunil Media (Dili), Tuir Prezidente Konsellu Imprensa (CI -sigla portugues) Virgilio Guterres informa, katak bainhira sai jornalista hakruuk deit ba kodigu etiku, laos hakruuk ba politika.
“Bainhira sai jornalista labele hakruuk demais, ita hakruuk ba kodigu etiku jornalizmu neebe maka iha, laos hakruuk ba politika ida no ba kompania sira,” Dehan Prezidente CI, Virgilio Guteres, liu husi diskursu, kongressu extra ordinaria, iha Delta Nova, Sabadu nee (13/11/).
Nia tuir nia hanoin ida nee tenke sai bukae ba Timor Leste Press Union (TLPU) ba oin hodi hasae kapasidade ba membru sira, Konsellu Imprensa kontinua apoiu.
“Kongresu estraordinariu ida nee, ita tenke hahu sai hanesan kultura ida, hau koalia kultura tanba esperiensia nee dezde 2000 tesik mai hau sei hanoin Asosiasaun Jornalista Timor Leste (AJTL), depois ninian kongresu ida iha tinan 2001, maibe tinan 10 liu tiha mak foin halo fali kongresu,” tenik nia.
Prezidente Konsellu Imprensa nee mos fo ezemplu hanesan toos ida harii tiha, maibe duut kuandu moris mai nee haluhan atu hamoos, neebe toos nee iha lutu deit maibe toos laran nee mamuk hela, laiha aifarina batar ruma.
KI fiar katak, kongresu estraordinnariu TLPU nian nee sei hamosu rezultadu ida diak, Bainhira membru sira halo servisu diak no fo hatudu kualidade, rezulta naran iha publiku mos diak, tanba loron – loron diskute no koalia para oinsa hasae sira nia kualidade. Latu
