PN Husu MEJD Aumenta Kualifika Edukasaun Ba Estudante
Naunil Media (Díli), Parlamentu Nasionál (PN) liu husi Komisaun G trata asuntu Edukasaun Juventude Kultura no Sidadania, husu ba Ministru Edukasaun Juvetude no Desportu, Armindo Maia, atu aumenta edukasaun nia kualifikasaun ba estudante sira nia prosesu estudu, tanba konsidera edukasaun importante liu iha nasaun Timor-Leste.
“Edukasaun mak seitór importante ba dezenvolvimentu nasional, tamba ne’e presiza aumenta nia kualidade ba estudante hot-hotu nia teritoriu laran tomak”, Prezidente Komisaun G , Deputado Antonio Verdial de Sousa, foti kestaun ne’e liu nia deklarasaun polítika iha plenária PN, Tersa (05/07).
Nia afirma, Edukasaun ne’e importante tebes iha Prinsipiu Sidadania sètor ida ne’ebe importante ba iha nasaun ida ita hotu iha mos ba interese nasional nian.
Tanba nee, ohin loron ita hotu hamutuk iha ne’e hodi debate asuntu relevante ba interese nasional iha Art.153/ PN hare fiskalizasaun komisaun G trata asuntu Edukasaun Juventude Kultura no edukasaun sei marka pasu no la iha solusaun no responde.
Tanba nee, iha resposta barak manorin na’in sira ladauk hetan to’o agora, exemplu estatutu Professores kontratu sira,”katak nia.
“Edukasaun laos hanorin de’it, mosu ho direita ho kualidade edukasaun, maibe bainhira orenta ema atu sai kualidade iha nasaun presija iha infrastrutura no rekursu humanu ne’ebe liu-liu ba bem-estar ba manorin nain sira ne’ebe hanesan funisionariu tratadu sira hotu iha Timor laran tomak”, tenik deputadu ne’e.
Tuir deputadu ne’e, estudante hot-hotu iha teritoriu Timor laran tomak, presija tau sira iha kondisaun di’ak no tempu ne’ebe naruk atu manorin sira bele dedika sira nia aan hodi hanorin estudante sira ho di’ak no modernija eskola presija livru matéria hodi aprende ho sufisiente.
Iha fatin hanesan, responde Ministru Edukasaun Juventude Desportu, Armindo Maia, informa, Ministériu Edukasaun profesor kategoria tolu ( 3), funsionáriu permanente ne’ebe mak simu saláriu husi Ministerio Edukasaun hamutuk 11.259.
Husi númeru ida ne’e,total ita registu ona número 136 ba mate, neebe hetan pensaun no rejigna aan, nune’e mos 70 professor sira mak destaka ba instituisaun governamental sira seluk.
MEJD prepara Resposta ida ba preokupasaun ne’ebe mak levanta husi deputadu sira iha día 7 no día 13 fulan Junhu, kona-ba área Edukasaun.
Ministru ne’e relata, MEJD rejista professores permanente hamutuk 1053,iha kategoria kontratadu ne’ebe mak saláriu husi Ministeriu Edukasaun nian,hamutuk 4.902.
Professor kontratadu ho voluntáriu hamutuk 5.588 ne’e iha prosesu reverifikasaun ne’ebe mak Ministeriu Edukasaun Juventude no Desportu tun ba eskola ida-idak. Ana
