Fretilin Sei Keixa Pesoal MF Balun Ba MP
Naunil Media (Díli), Relasiona ho selebrasaun kontratu ho kompania apoia servisu teknika informatika (IT) iha Ministeriu Financas (MF), Parlamentu Nasional konsidera hamosu iregularidade.
Deputada Bankada, Frente Revolusionáriu Timor-Leste Independente (FRETILIN), Maria Angelica Rangel informa, Sei hato’o keixa ba Ministériu Públiku (MP), hodi kontra pesoál balun iha MF relasiona ho iregularidade iha selebrasaun kontratu ho kompania apoiu servisu informasaun tékniku (IT).
” Ha’u hakarak relata iha ne’e tanba hau hetan keixa ida no mos iha dadus,” Dehan Maria Angelina, iha PN, sexta (19/11).
Nia haktuir, kompaña sira ne’ebe tuir tenderizasaun iha lei ne’e dehan katak, tenderizasaun IT, tenke esperensia minimu tinan ida (1),
” Maibé tenderizasaun ida ne’e ho montante millaun Ida (1), kompania ne’ebe mak dadaun hetan tenderizsaun ne’e laiha esperensia,” tenik nia.
Maria Rangel, haklaken, sei halo mós keixa ba tribunál ho MP.
“Tanba ne’e iha tinan 2021 PN aprova ona orsamentu millaun US$ aloka ona ba servisu IT nian iha Diresaun Jerál Servisu Ko’ orporativu iha Ministériu hodi loke konkursu públiku ba kompaña IT sira ne’ebe iha ona esperiénsia mínimu tinan ida tuir lei ne’ebé vigora ona.’ haktuir nia
Iha kontratu ne’e, tuir estandarte kompaña IT tuir loloos ne’e tenke tama de’it ho rihun-584 de’it mós sira-nia lukru halo komparasaun kustu, sira hetan tiha purvolta rihun U$120 ou 130, sira-nia lukru iha privated sira nia kompaña ne’e.
Maibé ho realidade kompaña ida manán ne’e, laiha esperiénsia, maibé manán ho rihun-990, kuaze 1 millaun.
Nia mos Rekonese Ministru foun, Diretór ho Vise Ministra sira tur iha ne’eba ne’e, mesak ema tuan de’it, laiha mudansa iha ne’eba.
” Tanba sá ha’u ko’alia ho nune’e, ha’u iha dokumentu ne’e, ami mos atu halo keixa ba tribunál ho MP nia.” Dehan nia
Kestaun Ne’e Bankada Fretilin Lembra Kazu RAEO
Nia afirma kestaun ne’e, Bankada FRETILIN hakarak lembra kazu iha RAEOA kona-ba pressu USB (Universa Serial Bus) US$ 4.00, no prosesu daudaun ne’e iha tribunál.
Maibé iha momentu FRETILIN sei hanesan opozisaun bainhira RAEOA halo sala oituan mós ema trata Fretilin rahun no deputadu sira mós rona ida ne’e to’o tilun diuk.
“ hanesan ha’u hatene ita-boot Ministru ida ke hakarak buat hot-hotu mo’os iha ne’eba,” Haktuir Rangel.
Maibé ne’e, tenke kontrola kuandu ita bo’ot asina selebra kontratu sira ne’e.
Ami hakarak sama atensaun ba Ministru, kuidadu ho situasaun sira ne’e para marka presu bele atu benifisia fali ema seluk . Ana
