JICA Assina Akordo Daruak ho BTL
Naunil Media (Díli), Ohin loron 17 Fulan Agostu Tinan 2021 Japan Internatioan Cooperation Agency (JICA-sigla ingles) Asina Akordu Daruak ho Bee Timor-Leste (BTL) iha abastesimentu bee-moos Seguru ba Fase Liman iha Pandemia Covid-19.
Tuir Xefí reprezentante Japan internatioan Cooperation Agency (JICA) iha Timor-Leste Ko Goto, Hateten Segundu Akordu ne’e objetivu atu haforsa kapasidade BTL, liu hosi apoiu aprovizionamentu hodi fornese ekipamentu sira maka hanesan, Chlorine, Coagulant, kanu no bomba bee ba BTL E.P, akordu Ida ne’e implementa durante tinan ida fulan hitu nia laran.
“Ohin loron 17 Agostu 2021 akordu segundu ne’e selebra hodi servisu hamutuk iha projetu Dezenvolvimentu Kapasidade ba Abastesimentu Bee-mos Seguru no Konsiensia ba Fase Liman iha Pandemia COVID-19”, Dehan representate JICA iha Timor-Leste ba jornalista Sira iha BTL Caikoli tersa ne’e.
Nia hatutan, akordu primeiru ne’ebe assina ona iha loron 14 Jullu 2021, konaba kooperasaun ba Projetu Melloramentu ba Jestaun Abastesimentu Bee-moos ne’e, sira foka ba komponenti importante tolu, mak hanesan, destaka JICA nia peritu servisu hamutuk ho BTL E.P. hodi mellora Jestaun Distrbusaun Bee-mos, Jestaun Rekursu Umanu, Jestaun Konsumedor, Manutensaun no Operasaun ba Ekipamentu sira.
aleinde ne’e iha akordu preimeiru ne’e JICA sei fornese treinamentu intensivu ba BTL E.P. no prosesu ekipamentu nesesariu sira, mak hanesan, kanu no kontador sira no Projetu ne’e rasik sei implementa durante tinan tolu.
Ikus Nia dehan “Koperasaun entre Governu Japaun no Timor-Leste hahu kedas tinan 20 liu-ba, no JICA fo ona apoiu tekniku ba Governu Timor-Leste iha area oin-oin inklui area bee-mos. Ho nune’e hau fiar katak projetu foun hirak ne’e sei hametin liutaan relasaun amizade entre Governu Japaun no Timor-Leste liu-liu iha 4rea bee-mos”.
Iha Fatin hanensa Presidente Bee Timor-Leste Carlos Peloi Dos Reis hatutan katak Assina Akordu Ida ne’e halo komitmentu husi parte JICA, Sira prontu ajuda iha parte lubuk ida inklui aimoruk ba trata bee nian no mos fornense kanu hodi melora sistema bee ne’ebe durante hetan estragus husi inundasaun iha loron 4 Fulan kotuk.
Nia hatutan katak sasan no osan ne’ebé mak sira JICA apoiu liu husi BTL ne’e lubuk ida, oinsa bele asegura no rezultadu ne’ebe positivu iha pandemia covid-19 ne’e.
“Sasan Sira ne’e kuaze 730 mil ital dolar Amerikano ne’ebe kolega sira JICA planu atu fornese Mai Ita Liu husi bee Timor-Leste, ita nia parte oinsa ita bele Asegura sasan Sira ne’e di’ak ho rezultadu ne’ebe positivu liu-liu kontribui ba pandemia covid-19”, Tenik nia. Ipe
