Dialogu Ainaru Iha Semana Kotuk, Ohin “Lu’Olo” Konvida MAP
Naunil Média (Dili), Prezidente Repúblika (PR), Francisco Guterres Lú-Olo antes ne’e halo dailogu ho povu Manufahi no Ainaro, ohin konvida Ministeriu Agrikultura no Peskas atu pasa informasaun relasiona ho preokupasaun povu nian.
Lia hirak ne’e ható husi Ministru Agrikultura no Peska Pedro dos Reis ba Jornalista sira, bainhira remata hasoru malu ho Xefe estadu iha Palásiu Prezidensiál Nicolau Lobato Bairru Pite, Tersa, (23/11).
” Enkontru ida ohin akompaña rezultadu PR nian relasiona ho dialogu iha Manufahi no Ainaro nian, tanba ne’e mak PR Konvida MAP mai pasa tan informasaun balun relasiona ho pergunta ne’ebé mak durante dialogu iha Terenu”, Dehan MAP Pedro dos Reis
Membru guvernu ne’e mós esplika, problema barak tanba momentu ne’ebá mós MAP akompaña no fo responde balun no ohin halo kompletu liu tan para PR bele intende ho di’ak.
” Problema ita hatene iha inundasaun foun lalais estragus sasán barak irigasaun kuaze a’at hotu ho limitasaun barabk, kafé ne’ebé mak kuaze mate hotu ona liga ba animal, hanesan fahi mós mate”, Tenik Membru guvernu ne’e
Pedro hatutan polítika MAP nian mak atu hasa’e produsaun iha rai laran maibé presiza tenke investe.
“Polítika MAP nian hanesan ohin ha’u hateten tenke hasa’e ita nia produtu iha rai laran, maibé iha fator barak ne’ebé mak tenke halo investimentu osan hodi hadia eskema irigasaun manual, espera katak irigasaun Galata ho Laivai Tenderizasaun loke ona ba futuru atu atinzi 131.000 komsumu nasionál ne’e ita bele priense hela”, haltuir Pedro
Nia dehan dadaun ne’e ministeriu Agrikultura no peskas halo irigasaun 8 ne’ebé re-apropria no inklui mós irigasaun 2 Galata ho Laivai ninian re-apropria 8 irigasaun foun rua no Irigasaun ne’ebé mak agora dadauk hadia mak iha Maliana II, Oebaba, Larisula, iha irigasaun kiik oan iha Kasa ninian, Paulara, Halihou, inklui Laivai ho Galata nian.
Iha enkontru ne’e Prezidente Repúblika mós fo Mensajen ba MAP prioridade tenke hasa’e produtu rai laran tanba iha área potensial iha 80.000 resin maibé ba haré de’it foin dezenvolve 30.000 de’it entaun presiza investimentu iha MAP.*Jos
