Governu Aprova Estabelese Programa Apoiu Ba Plantasaun Ai-Parapa Tasi
Naunil Media (Díli), Governu liu hosi reuniaun Konsellu-Ministrus ohin (Tersa 17/05) ne’e aprova ona projetu Dekretu-Lei ne’ebé aprezenta husi Primeiru-Ministru,Taur Matan Ruak, kona-ba estabelese Programa apoiu ba plantasaun Ai-Parapa sira iha tasi ninin.
Ministru Prezidénsia Konsellu Ministru, Fidelis Manuel Leite Magalhães , hateten ho objetivu sira husi Dekretu-Lei ida ne’e maka estimula kriasaun viveirus “ai-parapa”.
“Haluan tiha iha área plantasaun ba ai- parapa,Kombate erozaun iha tasi ninin,hadi’a pozisaun Timor-Leste iha merkadu internasionál karbonu hodi kontribui ba afirmasaun Timor-Leste nian nu’udár destinu turístiku, dehan Ministru Prezidénsia Konsellu Ministru, Fidelis Manuel Leite Magalhães iha Palásiu Governu, Tersa (17/05).
Nune’e apoiu refere, sei konkretiza liuhusi atribuisaun subvensaun públika ida ho valór hamutuk US$ 0,50 (sentavu limanulu) ba ai-parapa ida-idak ne’ebé kria viveiru ka kuda”,tenik nia. Ana
