MAPKOMS Cup 2020 : Ministru Pires Marka Golu Lima, MOP Susesu Halakon Timor Post 9-3
Naunil Media (Díli), Ekipa Futsal Mene husi Ministériu Obras Públikas (MOP) hurlele nia ekipa adversariu Timor Post ho score 9-3 no iha jogu ne’e kapitaun ekipa MOP, Ministru Salvador Soares Pires susesu marka Golu lima (5), durante kontra-atake torneiu MAPKOMS 2020, iha kampu futsal Bebora Díli, Sesta (06/11).
Ekipa MOP ne’ebé lidera husi Ministru Salvador Soares Pires hatudu kedas ritmu jogu ne’ebé aas hodi difikulta Timor Post hodi halo kontra ataka ho nune’e iha primeira parte MOP marka Golu 7 iha primeira parte.
Iha primeira parte kapitaun MOP Salvador Soares Pires marka Golu 4.
Enkuantu ekipa adversariu Timor Post halo kontra ataka ba nia ekipa adversariu MOP maibé la konsege marka Golu ho nune’e too termina jogu parte dahuluk ekipa MOP lidera ho score 7-0.
Tama ba jogu segunda parte ekipa Timor Post halo mudansa ba tatika liu husi subtituisaun jogador. Mudansa tatika ne’ebé halo husi Timor Post konsege rezulta golu 3 iha segundu parte.
Ekipa MOP marka de’it golu 2 iha minutu ikus antes atu termina jogu liu husi kapitaun Salvador Soares Pires marka Golu 1 no José António.
Ho nune’e to’o termina jogu parte daruak vitória ba ekipa MOP ho score 9-3. Rezultadu refere ekipa MOP trava adversáriu Timor Post iha faze apuramentu. Nfm
