Akademista Konsidera Programa Sesta Bázika Ruin fó ba Povu, Isin ba Emprejáriu Sira
Naunil Media (Díli), Akademista UNTL, Fakuldade Siénsia Sosiais atual Vise-Dekanu ba Asuntu Estudantil, Bernardo Idalina Leto, konsidera programa sesta básika husi Governu ne’e ruin fó ba povu no isin fó ba emprejariu no ajente sira Estadu.
“Governu tenta halo rekuperaaun ba ekonomia no husi programa ne’e fó di’ak ba emprejáriu sira no ajente estadu sira. Laiha benifísiu di’ak ba povu”, Akademista ne’e ba Naunil Media iha nia kna’ar fatin Kampus FASPOL Kaikoli, Segunda (30/11).
Dosente ne’e haktuir, observasaun jerál ba programa ne’e rasik Governu fó ruin ba nia puvu no isin ba emprejariu sira han di’ak husi tenderizasaun ba programa sesta bázika.
“Emprejáriu sira mak manán tender no ajente estadu. Dala ruma ita haree, atu lansa de’it programa ne’e iha postu ida ka suku ida, funsionariu sira tun hotu, entaun osan hela ba komunidade ne’e ki’ik, maibé kustu operasional bo’ot liu fali, hanesan povu mak hela ho nia ruin, ajente estadu no emprejariu sira mak han isin no bokur”. Ivo