Calisto: Vasina Proteje Implikasaun Husi Covid-19
Naunil Media (Díli), Xefi Estadu Maiór Falintil Forsa Defesa Timor-Leste (F-FDTL), Koronel Calisto Santos ‘Coli Coliati’ informa, programa governu liuhusi Ministériu saúde (MS) vasina atu proteje implikasaun seriu husi moras Covid-19 ne’ebé espalla iha mundu tomak inklui iha Timor-Leste.
Xefi Estadu Maior F-FDTL Koronel Calisto Santos ‘Coli Coliati’ ba jornalista sira, partisipa iha adovokasia vasina husi ekipa Ministériu Saúde, iha Quartel Geral F-FDTL, Fatuhada, tersa (23/02).
“F-FDTL prontu simu vasina. Vasina ne’e importante tebes tanba moras ne’e agora dadaun ita hotu hatene moras covid-19 iha rai laran ne’e moras perigu. Moras ne’e iha mundu tomak inklui iha nasaum Timor-Leste sai preokupasaun ho ida ne’e, ita-nia guvernu halo programa vasina atu ita bele depende an no prevene husi moras Covid-19”, dehan Calisto.
Nia hatutan, iha sentru jestaun krize membru sira ne’ebé mak apoiu hamutuk nain 20. Iha fronteira Mandoki, Mota Ain, Batugade, Mota Masin hamutuk na’in 160 nomós Ataúro, Betano no Oe-Kusse hamutuk na’in 210.
“Prejensa husi forsa armada ho polísia sira ita bele dehan seidauk sufisiente tanba ita hotu hatene ita-nia liña fornteira ne’ebé mak luhan liu. Tanba ne’e ita hahú husi mota ain to’o iha mota masin ne’e distánsia ne’ebé luhan tebe-tebes”. Xefe Estadu Maiór Calisto informa.
“Forsa ita dehan minimu liu tanba husi 2015 to’o 2021 ita la iha rekrutamentu tanba ne’e mak ita-nia forsa lato’o atu kobre ba teritóriu tomak”. tenik Calisto.
Entretantu ekipa adovokasia vasina kompostu husi MS, UNICEF, WHO koopera ho Saúde Milítar F-FDTL hetan partisipa husi F-FDTL. Ina