TANE Konsumidór Husu Operadór Telekomunikasaun Labele Manipula Kliente
Naunil Media (Dili), Prezidente Asosiasaun TANE Konsumidór, António Ramos (Naicoli) husu ba operadór telekomunikasaun atu labele Manipula Kliente sira iha situsaun Estadu Emerjensia no implmenta Serka Sanitária.
Antonio deklara asuntu ne’e relasiona ho reklmasaun sira husi Kliente TT Telemor Telecomcel kona-ba rede Internet.
“Husu ba operadór sira iha situasaun sira hanesan ne’e, hare’e hadia ita bo’ot sira nia prestasaun servisu labele prejudika konsumidór sira, tanba populasaun barak la satisfas servisu públiku ezensiál sira ne’e”, dehan nia ba jornalista sira iha nia knaar fatin Villa Verde, Kinta ohin.(25/03/2021).
Tuir Antonio , operadór sira ninian tarifa iha Timor aumenta maibé, kualidade servisu seidauk di’ak.
“Ema foin uza dei’t pakote $20 uza ba fulan ida, mas seidauk fulan hotu ona, agora ida ne’e manipulasaun ba konsumidór sira”, nia dehan.
Tuir nia, duarante estadu emerjensia no serka sanitária tane rejista keixa hirak ne’e, hosi públiku liu hosi pajina ofisiál Tane nian no balun via whatsapp.
“Durante Estadu Emerjensia no Serka Sanitaria operadór sira labele prejudika sidadaun sira, tanba ema hotu servisu iha uma la bele halo mobilidade, estudante eskola iha uma”, nia aumenta.
Iha biban ne’e Tane konsumidor husu ba Governu liu hosi Autoridade Nasionál Komunikasaun, nu’udar orgaun reguladora atu fó medida ne’ebé forti.
Tane mós husu ba Governu tuir lolos governu tenke iha medidia sira ne’ebé Governu foti para hodi apoiu konsumidór sira, liu-liu populasau jerál sira.
Tuir dadu 2019, husi ANC Kliente hosi operadór telekomunikasaun hanesan Timor Telecom, (TT) Telemor no Telkomcel iha Timor-Leste (TL) ne’ebé uza sim card ka kartaun ba númeru kontaktu telemovel ativu hamutuk 1,442,497. ho totál kliente rejistradu 1,187,219. totál kliente barradu (blokeadu) hamutuk 143,617. Pau
