“Kadalak” Tanis Hare’e Lider Xanana Toba iha Rai

Naunil Media (Dili), Veteranus Reis “Kadalak” tanis bainhira haré lider karismaátika Kay Rala Xanana Gusmão toba iha aspal leten, besik sala isolamentu Vera Cruz, segunda kalan, (13/04/2021).

Nia deklara nia senti triste banhira hare hanesan ne’e ba sira nia komandu da luta livertasaun nian, tanba uluk sira terus hamutuk iha ai-laran sira toba ona iha aitarak leten nomos fatin la dignu,tanba sa agora timor ukun aan ona sira nia komandante sei nafatin toba iha rai.

“Komanante Ita boot nia fatin loloos iha Uma di’ak, maibé ha’u hare’e iha Facebook Kay Rala Xanana Gusmao toba iha estrada, ha’u laran moras,” hateten veteranu “Kadalak” hafoin mai vizita lider resistensia iha sentru izolamentu Vera Cruz tersa, (13/04).

Nia hatutan kona-ba Covid-19 ne’e mundu tomak fi’ar, maibé Timor ne’e lulik, tanba ne’e labele uza Covid-19 hodi bososk Povu.

“Ukun nain sira keta uza Covid-19 hodi buka osan, se la hatene ukun di’ak liu tuun,” deklara Kadalak.

Veteranu ne’e deklara Nasaun Timor Leste la iha Xanana Gusmão to agora timor la ukun rasik aan. Tanba ne’e husu ba Seguransa sira atu kuidadu Xanana.

“polisia ho forsa sira imi tau farda oin oin ne’e tanba maun Xanana aranja ne’etik kama Ida ba maun boot toba tanba sa imi husik fali toba iha estrada ida hanesan ne’e.

“Timor ne’e Lulik, uluk Maun Xanana halo funu manan Tia maibé Ohin loron lori Covid-19 Bosok povu, ne’e labele”, nia deklara.

Kona-ba kestaun ne’e desde horiseik segunda loron 12 fulan abril lider nasional Xanana Gusmão kontinua toba iha sala isolamentu to dader tersa loron 13 fulan abril.

Nune to agora lider ne’e sei kontinua toba Iha fatin refere hodi hein desizaun ikus husi governu atual hodi lori mate isin ba hakoi iha nia hela fatin.

Matebian Armindo Borges Husi munisipiu Ainaro Dadaun ne’e hela iha Comoro Dili. Mate iha loron domingo kauza hosi moras struck.Pau/Ipe