Veteranus Husu Estadu Entrega Mate-Isin Armido Ba Família
Naunil Media (Díli), Prezidente konsellu konbatentes Nasional Libertasaun (PKKNL ), Vidal de Jesus ‘Riak Leman’ husu ba estadu atu entrega mate-isin Armindo Borges ba família hodi halot.
“objektivu ohin hau mai ne’e tanba uluk ami iha ailaran ami-nia komandante boot mak nia (Xanana), mak ami nian maun boot tanba ne’e mak ha’u mai vijita maun xanana, ami mai la’ós koalia polítika”, dehan Prezidente konsellu konbatentes Nasional Libertasaun (PKKNL ), Vidal de Jesus ‘Riak Leman’ ba jornalista hafoin hasoru malu Lider karismatiku Kay Rara Xanana Gusmão, iha izolamentu Vera Kruz, kuarta (14/04).
Riak Leman hatutan, lolos Prezidente Repúblika (PR) Francisco Guteres ‘Lú Olo’ no Primeiru Ministru (PM) Taur Matan Ruak sira mak tuur hamutuk koalia ida ne’e, mate ne’e simples ida intrega deit ba familia deit ona.
“Tanba orikalan, Ha’u moton iha TV doutór sentista sira dehan kuandu ema ne’e mate ona virus ne’e mós lakon ona, tan ne’e ita bele hakoi. Ha’u senti buat ne’e simples ida, la’ós ida ne’e ita atu deskedita estadu. la’e Estadu la’o nafatin. Kestaun mak ne’e ita tenke mós komprende família sira tanba ita Timor ne’e iha kultura. La’ós mate ne’e ita tau fali iha eskavatór Keta halo ba mak mate ne’e babeur fali ita mak ne’e”, Nia informa.
Nia alerta, veteranus nia pozisaun mak ne’e husik mate-isin ba intrega deit ba familia tanba dotour sira esplika klaru los diak liu entrega ba família para sira bele ba hakoi ona, problema ki’ik.
“Hanesan veteranu ida ha’u-nia Maun Xanana mak Ami-nia Maun boot iha ailaran hanesan mós ami-nia maun no ami-nian katuas. Nia (Xanana) koalia ami tenke rona nian, maibé dehan ami nian maun toba fali iha estrada ami veteranu sira senti triste”, nia haktuir.
Ikus nia dehan, nasaun ne’e veteranus mak ukun tanba saida mak kastigu malu ne’e la diak, ejije governu para rejolve problema ne’e lalais para lori mate isin ba hakoi. Pau