SEAK Ofisialmente Deside Tais Sai Patrimónia Kulturál TL Iha Fransa

Fahe Tutan

Naunil Media(Dili), Segunda (16/03) ne’e, Sekretáriu Estadu Arte no Kultura (SEAK), Teófilo Caldas deside ofisialmente ba rejista Tais Timor sai patrimóniu kulturál Timor-Leste (TL) nian iha sidade Paris Fransa.

Desizaun ofisiál ne’e, Sekretáriu Estadu Teófilo Caldas foti liu husi asina nomeiasaun mak hala’o iha edifisiu SEAK Praias dos Coqueros.      

Hafoin asina, Sekretáriu Estadu Arte Kultura, Teófilo Caldas, hateten vantazen bo’ot ba Timor-Leste bele rejista ona tais sai patrimóniu kulturál no materiál iha Organização das Nações Unidas para a Educação, a Ciência e a Cultura

(UNESCO-Sigla Ingles) iha Franca.

“Objetivu husi selebrasaun asina karta ida ohin ne’e, ita nomeia ita nia tais ida hanesan patrimóniu  kulturál no material ba iha UNESCO Paris, para atu hetan rekonesimentu. Tais ne’ebé ekipa konjunta traballu halo selesaun ne’e  la’os reprezentante munisipiu maibe sei reprezenta nasaun Timor-Leste nia idantidade iha UNESCO Paris’’, hateten SEAK Teófilo Caldas.

Nia husu ba ekipa konjunta traballu atu servisu maka’as liutan hein resposta husi UNESCO nian kona-bá tais ne’ebé haruka ba UNESCO rezultadu di’ak bele kontinua rejistu tan uma lulik sira.

“Hau husu nafatin ba komite kontinua servisu maka’as liu tan bainhira to’o iha 2025 mak UNESCO Paris rekuñese ona ita nian tais, entaun ita bele avansa fali buat seluk hanesan uma lulik, sasan sira seluk, dokumentus sira seluk ne’ebé mak liga ho kultura. Ita tenta para atu lori ba rejistu hodi nune’e bele hetan rekuñesimentu husi internasional”, governante ne’e hatutan.  

Tuir Teófilo katak, vantajen bo’ot bainhira patrimóniu kulturál hetan ona rekuiñesementu hosi UNESCO tanba bele atria nasaun avansadu sira nia turista mai to’o iha Timor-Leste.  

Ekipa konjunta ne’ebe halo selesaun ba tais ne’e kompostu hosi, Sekretariu Estadu Arte no Kultura, Ministériu Turizmu Komersiu no Industria, Sekrtaria Estadu Igualidade no Inkluzaun, UNESCO iha Timor-Leste, Timor Aid, Alola Foundation,  UN Women, no USAID. Uar

Leave a Reply

Your email address will not be published.