Sentru Saúde Internamentu Lospalos Rejista Kazu Moras Denge 12

Fahe Tutan

Naunil Media (Lautém), Sentru Saúde Iternamentu Lospalos Munisipiu Lautem, husi fulan Fevereiru to’o Marsu tinan 2020 ne’e rejista ás kazu moras denge hamutuk 12 tanba kauza husi komunidade sira soe foer arbiru.    

Xefe Sentru Saúde Internamentu Lospalos Justnino dos Santos, hateten dadaun ne’e setru saúde refere rejista pasiente kazu moras denge iha hamutuk nain 12 no maoria idade labarik.  

“Ami halo ona tratamentu konsege nain lima rekopera, nain lima transfere ona ba Hospital Referal Baucau, tanba ho kondisaun grave. Moras ne’e mai husi susuk, ami lori ai-moruk susuk nian rega ona komunidade sira nian hela fatin, tanba ami hatene katak susuk halibur án iha komunidade sira nian hela fatin ne’ebé la hamoos”, Xefe Sentru Saúde Lospalos Justinho ba Naunil Media  iha nia kna’ar fatin foin lalais.

Nia explika, seida’uk iha ai-moruk espesifiku atu kura moras denge, nune’e médiku sira fó ai-moruk parasetamol hodi  hatun de’it isin manas no karik iha infeksaun sei fó ai-moruk antibitiku.

“Ami husu ba komunidade sira hotu, labele so’e fo’er arbiru no tenke hamoos valeta ne’ebé mak besik iha hela fatin komunidade nian, atu hado’ok án husi susuk no labele hetan moras denge, tanba moras refere mai husi susuk”, nia husu ba komunidade.

Nia dehan, relasiona ho moras ne’e foin mak rejista husi Postu Administrativu Lospalos nian, seidauk identifika husi Postu Administrativu haat seluk, hanesan Luru, Iliomar, Tutuala no Lautém iha Munisípiu Lautém. Lat

Leave a Reply

Your email address will not be published.